"Buhay OFW"
Ako’y isang Overseas Filipino Worker
Dito sa ibang bansa ako ay foreigner
Umalis sa minamahal kong bansa
At hawak ang pag-asa
Na makahanap ng trabaho
Upang pamumuhay namin ay magbago
Napalayo ako sa aking pamilya
Ngunit aking kinakaya
Para sa kanila at sa aking sarili
Hindi ako bibitaw sa pangarap kong minimithi
Sa abroad trabaho’y hindi madali
Kailangan kong makisama sa ibat ibang lahi
Sa abroad pamumuhay hindi magaan
Lahat ng hirap aking pinagdadaanan
Wala akong masasandalan
Sa oras ng aking kalungkutan
Minsan kailangan kong nalang iiyak
Sa mga panahong ako’y nawawasak
Mga mahal ko sa buhay aking gustong makita
Walang magawa kundi tanawin na lang ang aming alaala
Paggaling ko sa trabaho
Pagod at walang kibo
Walang madadatnan na pamilya ni sino
Walang madadatnan na pagkaing luto
Lahat ng pangungulila aking nadarama
Ngunit kailangan kong magpakatatag at magtiyaga
Lahat ng pagod aking titiisin
Dahil pamilya ko ayokong magdildil ng asin
Isang buwan sa isang taon
Kung sa Pilipinas ako’y umuwi at pumaroon
Sobrang ikli ng panahon
Ngunit kailangang sulitin at bigyan ng tuon
Dahil labing isang taon nanaman
Ang sakrispisyong ilalaan
Para sa aking pamilya
Hangad ko'y kanilang saya
Sa lahat ng katulad kong OFW
Ako po sa inyo’y saludo
