TAGPUAN
orihinal na likha ni
Kapag nag-aya na ang isa sa aming tagpuan
Walang hihindi ni isa man
Magdadala ng gitara’t kami’y magkakantahan
Musikang aming nilikha na kay sarap pakinggan
Sa tagpuang ito’y madami na kaming pinagdaanan
Dito pinagtibay ang aming samahan
Masarap magkaroon ng mga kaibigan
Kayu-kayo lang ang nagkakaintindihan
Sa mga simpleng senyales
Na para bang utak nami’y pares
Iisa lang ang aming mga nais
Na ni isa man ay walang aalis
Sa aming tagpuan kami’y unang nagkita-kita
Dito rin kaming lubos na nagkakilala
Sa isat isa’y madami kaming naging alaala
Na kahit kailanman hinding-hindi mababalewala
Kung ang isa ay may problema
Sa aming tagpuan kami'y pumupunta
Siguradong problema naming ay mawawala
Dahil sa mga barkada kong walang kasing sigla
Sila ay tunay kong maaasahan
Pakiramdam ko’y kanilang pinapagaan
Maging ayos lang ang lahat, sila’y gumagawa ng paraan
Na kahit minsan ay dala’y puro kalokohan
Sa mga problema ko na kailangan ko ng payo
Lahat sila’y nakikinig at nagseseryoso
Sila ang aking kaibigang totoo
Pinagmamalaki ko sila ng taas noo
Hindi nangiiwan, laging nasa tabi
Ni minsan sa akin ay hindi humindi
Kahit saan sila’y aking kakampi
Barkadang binuo kailanman hinding-hindi magsisisi
Hindi mabubuo ang barkada kung hindi dahil sa inyo
Sa ating tagpuan, naging iisa tayo
Magkaibigan hanggang sa pagtanda
Walang makakasira at makaka-giba
