Alai hai do doda idang
rangkang diblang tameh bangka
beurijang rayeuk putroe seudang
tajak teubang peurelak raya
Alai hai do doda idang
Ciceum subang jiephe meugisa
Ngoen tee rayeek bungoeng keumang
Kaye disimpang pengoet keubahtera
Jak kutimang bungoeng meurak
Kaye sibak di leuen istana
Beurijang rayeuk puteh meuprak
Beukeut tamat beuliong raya
Jak kutimang bungoeng langsat
Bee jih mangat bungoeng langa
Beurijang rayeuk puteh lumat
Bak jeut tamat keumudoe bahtera
Allah hai doda idi
Anoe pasie riyeuk tampa
Beurijang rayeuk cut putehdi
Gantoe abi aduen tamita
Allah hai do doda idang
Bungoeng macang roet meukeuba
Bak rijang rayeuk bungoeng keumang
Jak tung abang dijakarta
Jak kutumang bungoeng sukon
Bak sietahon boh hantom na
Beurijang rayeuk puteh saboen
Beu-ek tapeutron bahtera raya
Bukin sayang lon eu simplah
Lam geukeubah soe ngui hana
Bukon sayang lon eu nang mah
Dalam sosah ingat keubanta
Bukon le sayang lon eu peutoe
Peunoeh asoe meuih permata
Bukon sayang lon eu putroe
Da wok geumue ro ie mata.
