image from https://www.pinterest.com.au/pin/469007748673795859/
Panibagong araw, panibagong buhay ang hinahanap
Nagmamasid-masid habang ang tino ay hindi pa mahagilap
Ano pa at hindi makabangon ang katawang nahimlay sa pagkaka-idlip
Nasasayang ang oras sa patuloy na pag-silip
Pagmulat, sumaksi sa isipang mahiwaga
Pag-sikat ng araw sa dako nyang simula
Liwayway nyang humaplos na dumaloy sa aking mga kamay
Na siyang nagwaksi sa aking pagkalumbay
Bawat araw ay isang simula ng pagbabago
Kailangang humakbang nang masimulan ang pagtuto
Pagtutong linangin ang bawat karanasan
Maghuhubog na siyang guguhit ng kapalaran
Magandang Umaga...
