Ilang araw, buwan at taon
na ang lumipas
simula nang tayo'y huling nagkita,
ala-ala noo'y di kumupas
gaya nalang ng pagtitig
sayong mga mata
noong tayong dalawa’y malaya pa.
_
Kung paano ka ngumiti,
kung paano mo sabihin
sakin mga sakit at pighati.
At kung paano mo tignan
ang aking mga mata,
hanggang sa...
kung paano mo baybayin
ang salitang mahal kita.
_
Subalit ngayon,
sa ilalalim ng matagal na panahon
diyan sa lungsod,
at dito sa nayon,
sa magkaibang direksiyon
tayo'y paroroon.
_
Mga inukit mong salita
sa matayog na punong mangga,
mga iniwan mong ala-ala
babalikan ko nang mag isa.
_
At pagdating ng takdang panahon
at kung pahihintulutan ng
pagkakataon
muli tayong magkita
sa dati,
sa dating punong mangga.