image source:(google)
သင်္ချာသည်ဂဏန်း၊ အရေအတွက်တို့နှင့် စပ်လျဉ်းသည့် သိပ္ပံပညာရပ်တစ်ခုဖြစ် သည်။ လူတို့သည်အလွန်ရှေးကျသောခေတ်အခါကပင် အပေါင်း၊ အနုတ်၊ မြှောက်၊ အစားပါဝင် သောလွယ်ကူသည့် ပုစ္ဆာများကိုတွက်ခြင်း၊ မြေများကိုစံနစ်တကျ တိုင်းတာခြင်း၊ ကောင်းကင်တွင် နက္ခတ် တာရာတို့ကိုကြည့်၍ ပြက္ခဒိန်များပြုလုပ်ခြင်းစသည့်အလုပ်များကိုပြုလုပ်နိုင်ခဲ့လေသည်။ထိုအချိန်မှစ၍သင်္ချာပညာသည်လည်းပေါ်ပေါက်လာခဲ့သည်ဟုဆိုနိုင်သည်။သို့သော်ဂဏန်းများနှင့်အရေအတွက်များကိုလွယ်ကူစွာရေးသားဖေါ်ပြရန်သင့်တော်သောနည်းမရှိခဲ့သဖြင့်သင်္ချာပညာတိုးတက်မှုသည်အလွန်နှောင့်နှေးခဲ့လေသည်။ဆယ်ရာစုနှစ်တွင်မှ၁၊၂၊၃၊၄စသည်တို့ကိုအာရပ်အမှတ်အသားများနှင့်တကွ သုညကို (ဝ) ဟူသော အမှတ်အသားဖြင့်ရေးသားရန်သတ်မှတ်ခဲ့ကြသည်။ထိုအချိန်မှအစပြု၍သင်္ချာပညာရပ်သည်လည်းအလွန်တိုးတက်ထွန်းကားလာခဲ့လေသည်။ရှေးလူမျိုးများအနက် ဂရိတို့သည် သင်္ချာဘာသာကိုအလွန်တိုးတက်အောင်ကြံဆောင်ခဲ့ကြလေရာ ဘီစီ ၆၀ဝ ပြည့်နှစ်တွင် မီလီတပ်မြို့သား ဒဿနိကဗေဒပညာရှင် သေးလိအမည်ရှိ ဂရိအမျိုးသားကြီးသည် ဂျီဩမေတြီနှင့် သက်ဆိုင်သည့်သီအိုရမ်များကို သာမညမှကြံနည်းဖြင့်သက်သေပြနိုင်ခဲ့သည့်အပြင်၊အခြားပုစ္ဆာအချက်အလက်များကိုလည်း ယုတ္တိဗေဒနှင့်သက်ဆိုင်သည့်သာမညမှကြံနည်းဖြင့်ဆင်ခြင်ယူဆနိုင်ကြောင်းကိုပြသနိုင်ခဲ့သည်။ ဤနည်းကို တွေ့ရှိခဲ့ရာမှအစပြု၍ ဂျီဩမေတြီပညာရပ်ပေါ်ပေါက် လာလေသည်။ ၁၅ရာစုနှစ်တွင် ပညာရှိတို့သည် အက္ခရာ သင်္ချာကိုတီထွင်ခဲ့ကြ၍ ၁၆ ရာစုတွင်အနာလစ် တစ်ကယ်ဂျီအိုမေတြီအခြေခံကိုပြုစုပျိုးထောင်ပေးခဲ့ကြသည်။ဆယ့်ခုနစ်ရာစုနှစ်မှစ၍ သင်္ချာပညာကိုသိပ္ပံပညာရပ်များတွင်တစ်စထက်တစ်စတိုးတက်သုံးစွဲခဲ့ကြသည်။ဤသို့တိုးတက်သုံးစွဲခဲ့ရာတွင် ခက်ခဲသောပြဿနာများကို တွေ့ရှိခဲ့သဖြင့် ကဲ့ကုလသင်္ချာပညာရပ်ကို ကြဆခဲ့ကြသည်။ ဤသို့ပေါ်ပေါက်ခဲ့ရသည့် သင်္ချာပညာရပ်များကို အမှီပြုလျက် စက်နှင့်သက်ဆိုင်သောပညာရပ်များနှင့်ရူပဗေဒပညာရပ်များသည်များစွာတိုးတက်ခဲ့ကြသည်။ အင်ဂျင်နီယာအတတ် ပညာသည် သင်္ချာပညာဟူသော အုတ်မြစ်ပေါ်တွင် တည်ရှိသဖြင့် ထိုအတတ်ပညာသင်ကြားလိုသူ တို့သည်သင်္ချာကိုကောင်းစွာတတ်မြောက်ကြရပေသည်။ယခုခေတ်တွင်သင်္ချာပညာရပ်များမှာ အမျိုးအမည်အားဖြင့်အလွန်များပြားလာ၏။ ယင်းတို့ကိုမူလတန်းသင်္ချာရပ်များနှင့်အထက်တန်းသင်္ချာရပ်များဟုနှစ်ပိုင်းပိုင်းခြားထား၏။ဂဏန်းသင်္ချာ၊အက္ခရာသင်္ချာ၊ဂျီဩမေတြီနှင့်တြိဂိုနိုမေတြီတို့သည် မူလတန်းသင်္ချာတွင် အကျုံးဝင်ကြ၍အနာလစ်တစ်ကယ်ဂျီဩမေတြီ၊ ကဲ့ကုလသင်္ချာ စသည်တို့မှာ အထက်တန်းသင်္ချာတွင်အကျုံးဝင်ကြသည်။
