Alam Kong Mali
Alam kong mali at hindi dapat
Na ibigin ang isang taong sinungaling at di tapat
Pero bugso ng damdamin ay hindi kayang pigilan
Lalo na kung isinisigaw nito ay iyong pangalan
Nakikita ko pa nga ang iyong maamong mukha
Sa bawat pagsara at pagbukas nitong aking mga mata
At ang iyong mabangong amoy ang nalalanghap sa aking silid
Na para bang andyan ka lang sa aking paligid
Minsan nga lang di maiwasang magmukmok
Lalo pa't sa mapait na katotohana'y minsan nang nasuntok
Kaya walang ibang magawa kundi ang umiyak na lang sa tabi
At mumunting hikbi na lang ang maririnig sa lalim ng gabi
Alam kong mali at hindi tama
Na patuloy na isipin ang nakaraan nating pagsasama
Na isipin ang mga panahong tayo'y maligaya
Mga panahong pintig ng ating puso ay sumasayaw sa saliw ng iisang musika
Ngunit hindi mo ako masisising mabuhay sa nakaraan
Kung ang dating dulot nito'y kaligayang walang hanggan
Kung sa mga panahong yun ang ating atensyon ay sa isat-isa lang nakalaan
At walang umeepal at nakikisawsaw sa ating pag-iibigan
Ang titulo ng tulang ito ay sadyang ewan lang talaga dahil mahina talaga ako sa paggawa ng tula lalo na pagdating sa titulo kaya pagpasensyahan niyo na 馃槀馃槄馃槄. Pinag-aaralan ko pa kung paano talaga gumawa ng tula gayunpaman maraming salamat sa pagbisita.
To join and be part of the gratefulvibes family on discord, click here
Maraming Salamat sa Pagbisita'!
