Ganitong araw na iyon nang mawala ka sa aking paningin,
hindi ko alam kung kinidnap ka o inabduct ka, wala akong alam,
o parang sinadya mong hindi na magpakita,
bakit mo pa pinatagal ang paglisan mo?
Matagal mo na iyon balak, ramdam ko,
matagal mo ng gustong pumainlanlang,
hindi ko batid ang iba mo pang gusto,
sa araw na iyon malaki na namamagitang siwang
ng ating pagkatao, malay ko kung ano ang nasa isip mo.
Sa araw na iyon, malaya na ang lahat,
wala nang mamamagitan sa dalawang dibidb
na minsang nagsanib ng tigib na pag-ibig,
at ako'y mahihimlay lagi sa aking hilong panaginip!
