လူငယ် တော်တော်များများ ဟာ ကိုယ့်ကို မင်းတန်ဖိုးမရှိတဲ့ ကောင်လို့ ပြောရင် သိပ်စိတ်ဆိုးတာဘဲ။
Photo from google
အဲတော့ တန်ဖိုးဆိုတာ ဘာလဲ လို့ မေးလိုက်ရင် အကုန် ကြောင်တောင်တောင်နဲ့၊ ဘာဖြေရမှန်း မသိကြတော့ဘူး ။
တကယ်တော့ တန်ဖိုး ဆိုတာ သဘာဝ ကို လုပ်အား ထည့်ပေါင်းလို့ ရလာခြင်းပဲ။
Value = Nature + Labour
တန်ဖိုး = သဘာဝ + လုပ်အား
ဥပမာ ~ မိုးတွင်းမှာဆို တို့တွေ ရွှံ့တွေ မတွေ့ရဘူးလား။ အဲဒီ ရွှံ့ကို မင်းသွားခွာလည်း ရတယ်၊ ငါသွားခွာလည်း ရတယ်၊ သဘာဝက အလကား ပေးထားတာလေ၊ အဲဒီရွှံ့ကို မင်းက သွားမခွာဘူး ငါက သွားခွာပြီးလောက်စလုံး လုံးတယ်၊ ငါက လုပ်အား ထည့်လိုက် တာပေါ့၊ လောက်စလုံး တစ်ဖိုကို ဘယ်လောက်ဆိုပြီး ငါက ပြန်ရောင်းလို့ ရတယ်။ သဘာဝကို ငါက လုပ်အား ထည့်လိုက်တော့ တန်ဖိုးတက်မသွားဘူးလား။
ငါ့ ထက် တော်တဲ့ကောင် တစ်ယောက်က လောက်စလုံး မလုံးပဲ ရေအိုး လုပ်မယ်ကွာ။ လုပ်အား တက်သွားတော့ တန်ဖိုး ပိုတက် မသွား ပေဘူးလား။
Photo from google
ငါတို့တွေ လေကို အလကား မရှူရဘူးလား၊ ဒါပေမယ့် စက်ဘီးတွေ၊ ဆိုင်ကယ်တွေ လေထိုးရင် တစ်ဘီးကို ငါးဆယ် တစ်ရာ မပေးရ ဘူးလား၊ မင်းက အကိုရယ် လေအလကား ရတာပဲလို့ပြောကြည့်ပါလား၊ မင်းကို ဟိုကပါးပိတ်ရိုက်မှာပေါ့။
သူ့လုပ်အား အတွက် ပိုက်ဆံယူရမယ်လေ။
ငါတို့တွေဟာ မွေးလာတုန်းက အတူတူပါဘဲ သဘာဝလို့ဘဲဆိုပါတော့၊ ကိုယ့်ကိုယ်ကို လုပ်အားထည့်နိုင်ရင် ထည့်နိုင်သလောက် တန်ဖိုးတက် လာမှာပါပဲလို့ ငါပြောချင်တယ်။
ဆရာကြီး ဦးအောင်သင်း
