လူတိုင်းလူတိုင်းဟာ တစ်ခါတစ်ရံ ဝမ်းချုပ်တတ်လေ့ရှိပေမယ့် ဝမ်းအကြာကြီး ချုပ်နေတာမျိုးဖြစ်လာရင် သတိထားရပါမယ်။
အူအစလောက်မှာ ဝမ်းပျော့သေးတာကြောင့် တော်ရုံ အဖုအထစ် အကြိတ်တွေကို အလွယ်တကူ ဖြတ်ကျော်နိုင်ပေမယ့် အူမကြီးအောက်ပိုင်းကို ရောက်လာလေလေ ပိုကျစ် ပိုမာလာလေလေ ဖြစ်တာကြောင့် အူမကြီးအဆုံးပိုင်းမှာ အကြိတ်ရှိနေခဲ့ရင် မကျော်ဖြတ်နိုင်ဘဲ တစ်ဆို့နေတတ်ပါတယ်။ ဒါတင်မကပဲ ရက်အတော်ကြာ ဝမ်းလျောနေတဲ့အခါမှာလည်း သတိမူသင့်ပါတယ်။ ● ဗိုက်ရစ်ရစ်နာတာဟာ လေထတာ ဖြစ်နိုင်သလို ဒီထက်ဆိုးတဲ့ အူမကြီးကင်ဆာလိုမျိုးလည်း ဖြစ်နိုင်ပါတယ်။ ဝမ်းသွားချင်သလိုဖြစ်ပြီး တကယ်တမ်း ထိုင်ကြည့်တဲ့ခါ မသွားနိုင်ရင်လည်း ဆရာဝန်ကို မေးမြန်းပြသကြည့်ဖို့ တိုက်တွန်းလိုပါတယ်။ ● အူမကြီးမှာ တစ်စုံတစ်ခု ပိတ်စို့နေတဲ့အခါ ပိတ်နေတဲ့နေရာကို တိုးထွက်လာရတဲ့ ဝမ်းတွေဟာ သေးသေးမျှင်မျှင်လေးတွေ ဖြစ်နေတတ်ပါတယ်။ ဒီလိုအခါမျိုးမှာလည်း ဆရာဝန်ကို ပြသသင့်ပါတယ်။ အခြားအကြောင်း တစ်စုံတစ်ရာကြောင့်လည်း ဖြစ်နိုင်ပေမယ့် သတိဟူသည် ပိုသည်မရှိတာကြောင့် လုံခြုံစိတ်ချရလေအောင် မသင်္ကာဖွယ်ရာ လက္ခဏာတစ်ခုခုတွေ့တိုင်း ဆရာဝန်နဲ့ ပြသတာက အကောင်းဆုံး ဖြစ်ပါတယ်။