အဲဒီတော့ ကျွန်တော် စဉ်းစားကြည့်တယ်။ အခုခေတ် လူငယ်တွေရဲ့ ၀န်းကျင်မှာ ဖတ်စရာစာတွေရှိတဲ့ဝန်းကျင်တွေ ရှိသေးရဲ့လားလို့။ သေချာတာကတော့ စာအုပ်အငှားဆိုင်လေးတွေ ပျောက်ကွယ်သလောက်ကို ဖြစ်နေပြီ။ စာကြည့်တိုက်တွေဆိုရင်လည်း ရှင်သန်အောင် မနည်းကြိုးစားနေရတဲ့အချိန်။ မိဘတွေကရော လူငယ်တွေရဲ့ အနီးအနားမှာ ဖတ်စရာစာတွေရှိတဲ့ ၀န်းကျင်ကို ဖန်တီးပေးနိုင်အောင် ကြိုးစားဖို့နေနေသာသာ ကိုယ်တိုင်တောင် စားဝတ်နေရေးနဲ့ လုံးပန်းနေကြရတာ။ ဒါပေမဲ့ ကျွန်တော်တို့အားလုံး စဉ်းစားကြသင့်တာက လူငယ်တွေကို စာဖတ်ပါ စာဖတ်ပါလို့ပဲ တွန်းအော်နေမယ့်အစား လူငယ်တွေရဲ့အနားမှာ ဖတ်စရာစာတွေရှိသော ၀န်းကျင်တစ်ခုကို ဘယ်လိုဖန်တီးတည်ဆောက်ကြမလဲဆိုတဲ့ ကိစ္စကိုပါ အာရုံစိုက်သင့်ကြတယ်ဆိုတာပါ။ ကောင်းပါပြီ။ လူကြီးတွေကို အကြံပြုပြီးတဲ့နောက်မှာ လူငယ်တွေကို တိုက်တွန်းချင်တာလေးလည်း ရှိပါသေးတယ်။
#စာတွေဖတ်ကြပါ
စာတွေထဲမှာ သမိုင်းတွေရှိပါတယ်။ ပစ္စုပ္ပန်ကို တန်ဖိုးထားတတ်ဖို့ အတိတ်ရဲ့ဖြတ်သန်းမှုတွေကို သိနေဖို့လိုပါတယ်။ လူငယ်တွေဟာ အတိတ်သမိုင်းတွေကို လေ့လာပြီး ပစ္စုပ္ပန်ကို တန်ဖိုးထားတတ်ပါမှ တိုင်းပြည်ရဲ့ အနာဂတ်လှပနိုင်မှာပါ။ ဒီနေရာမှာ လူငယ်တွေကို စာအုပ်ဖတ်ကြပါလို့ မပြောဘဲ စာတွေဖတ်ကြပါလို့ပြောတာ အကြောင်းရှိပါတယ်။ စာဖတ်လို့ရတဲ့ ကြားခံနယ်တွေ ပိုမိုများပြားလာတဲ့ခေတ်မှာ စာအုပ်ပေါ်က စာတွေရော၊ စာရွက်ပေါ်က စာတွေရော၊ ကွန်ပျူတာမျက်နှာပြင်ပေါ်က စာတွေရော၊ အင်တာနက်ဝက်ဘ်ဆိုဒ်တွေထဲက စာတွေရော စာပေါင်းစုံကို ဖတ်ကြစေချင်ပါတယ်။ စာအုပ်တွေအနေနဲ့ ပြောမယ်ဆိုရင်လည်း အရင်ကဆို စာပေစိစစ်ရေးဆိုတာ ရှိခဲ့တဲ့အတွက် စာမျက်နှာပေါ်တင်ခွင့်မရှိတဲ့ စာတွေ အများကြီး ရှိခဲ့ပေမယ့် အခုအချိန်မှာတော့ ပိုမိုပွင့်လင်းလွတ်လပ်လာတဲ့ခေတ်မှာ အရင်က ပုံနှိပ်ခွင့်မရခဲ့တဲ့ စာပေါင်းများစွာဟာ စာအုပ်တွေအနေနဲ့ ထွက်ရှိလာကြပြီပဲဖြစ်ပါတယ်။ ဒါကြောင့် ရတုန်းရခဲဖြစ်တဲ့ အခွင့်အရေးကို လက်လွတ်မခံဘဲ စာအုပ်တွေထဲကနေ အသိရှာကြစေချင်ပါတယ်။
စာအုပ်တွေ ရှာဖွေဝယ်ယူဖတ်ရှုရမှာဖြစ်သလို စာအုပ်အနေနဲ့ မဟုတ်ဘဲ Digital Media လို့ခေါ်တဲ့ အင်တာနက်စာမျက်နှာတွေပေါ်မှာလည်း စာတွေရှိနေတယ်ဆိုတာကို သိထားဖို့ လိုပါတယ်။ အခု ကျွန်တော်တို့နိုင်ငံမှာ အသုံးများနေတဲ့ ဖေ့စ်ဘွတ်လို လူမှုကွန်ရက်တွေမှာတောင် ရှာဖွေဖတ်ရှုမယ်ဆိုရင် စာကောင်းပေမွန်တွေ အများအပြားရှိတာကို တွေ့မြင်နိုင်ပါတယ်။
Crd by 