563 Likes
ခရမ်းချဉ်သီးသုပ်၏ လျှို့ဝှက်ချက်များ
ကျွန်တော်တို့ နေ့စဉ် နေထိုင်မှုများတွင် အစားအစာများသည် အလွန်အရေးကြီးသော အခန်းကဏ္ဍတွင် ပါဝင်လျက်ရှိပါသည်။ ကျန်းမာ၊ ကြံ့ခိုင်ပြီး တက်ကြွနေစေဖို့ အတွက် လုံလောက်တဲ့အစားအစာ စားသုံးရန် လိုအပ်ပါသည်။
သို့သော် စားသုံးတဲ့ အစားအစာတိုင်းက ကျန်းမာရေးနှင့် ညီညွှတ်ပြီး ခန္ဓာကိုယ်အတွက် အကျိုးပြုမဲ့ အစားအစာ ဖြစ်ဖို့ အထူး လိုအပ် လှပါသည်။ အထူးသဖြင့် ကလေးငယ်များနှင့် လူငယ်များအတွက် လိုအပ်သော အာဟာရပြည့်စုံမှု မရှိခဲ့လျှင် ခန္ဓာကိုယ် ဖွံ့ဖြိုးမှု နှောင့်နှေးတတ်ပြီး အရွယ် ရောက်ပြီးသူများအတွက်မူ နေ့စဉ် လုပ်ငန်း ဆောင်တာများကို အကောင်းဆုံးပြုလုပ်နိုင်မည် မဟုတ်သောကြောင့် အစားအစာများကို သေချာစွာဂရုစိုက်ပြီး စားသုံးသင့်ပါသည်။ အဘယ့်ကြောင့်ဆိုသော် အစားအစာများသည် သွေးတွင်းသကြားဓါတ်၊ သွေးခုန်နှုန်း၊ အင်အား၊ ဟော်မုန်း၊ ဦးနှောက် နှင့် နှလုံးကျန်းမာရေး အတွက် သက်ရောက်စေနိုင်ပြီး အစာသည်ဆေးကဲ့ သို့ အကျိုးပြုနိုင်သောကြောင့် ဖြစ်ပါသည်။
“အစာသည်ဆေး၊ ဆေးသည် အစာ “ဟူသော ဆိုရိုးအတိုင်း အစားအစာ များသည် လူတို့၏ ခန္ဓာကိုယ်အတွက် အကျိုးပြုလျက်ရှိပြီး အသီးအနှံနှင့် ဟင်းသီးဟင်းရွက်များသည် ကျန်းမာစေဖို့ အတွက် ဗီတာမင်များနှင့် သံဓါတ်များကို ပေးစွမ်းနိုင်ပါသည်။ ကျန်းမာရေးနှင့် ခန္ဓာကိုယ် အတွက် အကျိုးပြုသော ဟင်းသီးဟင်းရွက် နှင့် သစ်သီးဝလံများတွင် ခရမ်းချဉ်သီး သည်လည်း အပါဝင် ဖြစ်ပါသည်။ ခရမ်းချဉ်သီးသည် နှလုံးရောဂါ၊ သွေးချိုရောဂါနှင့် ကင်ဆာရောဂါများကို လျော့ချပေးနိုင်သည့် အစွမ်းရှိပါသည်။
ခရမ်းချဉ်သီး၏ ကြွယ်ဝသော ဗီတာမင်နှင့် အာဟာရဓါတ်များသည် အသားအရည်၊ ဆံပင်၊ နှင့် ကိုယ်အလေးချိန်လျော့ချခြင်း အတွက် အထူးကောင်းမွန်လှပါသည်။ ခရမ်းချဉ်သီးသည်လူတိုင်းစားသုံးသင့်သော အာဟာရနှင့် ဆေးဘက်ဝင် အစားအစာ ဖြစ်ပြီး ခရမ်းချဉ်သီးတွင် ပါဝင်သော ဓါတ်တမျိုးဖြစ်သည့် Antioxidant Lycopene သည် ကင်ဆာရောဂါနှင့် အိုမင်းရင့်ရော်ခြင်းမှ ကာကွယ်ပေးသည့်အပြင် အသားအရည်ကို ဆိုးကျိုးပေးစေနိုင်သည့် ခရမ်းလွန်ရောင်ခြည်ဒဏ်မှ ကာကွယ်ပေးနိုင်ခြင်း၊ မကောင်းသော ကိုယ်တွင်းအဆီများကို လျော့ချပေးနိုင်ခြင်း၊ မျက်စိအားကောင်းမွန်ခြင်း နှင့် နှလုံးကျန်းမာရေးအတွက် အကျိုးပြုစေပါသည်။ ဒါ့အပြင် ခရမ်းချဉ်သီးသည် အလှအပရေးရာတွင် အသားအရည် ချောမွတ်စေခြင်း၊ အရေးအကြောင်းများ လျော့နည်းခြင်းတို့အတွက် လျှို့ဝှက်ချက်တစ်ခုလည်း ဖြစ်ပါသည်။ ခရမ်းချဉ်သီး ကိုစားသုံးခြင်းဖြင့် မြောက်မြားစွာသော ကျန်းမာရေး အထောက်အကူပြု အကျိုးကျေးဇူးများကို ရရှိစေနိုင်ပါသည်။
အချို့သော ဟင်းသီးဟင်းရွက် နှင့် သစ်သီးများသည် ချက်ပြုတ်လိုက်သောအခါ ၄င်းတို့တွင် ပါဝင်သော ဗီတာမင်နှင့် အာဟာရဓါတ်များကို လျော့နည်း စေတတ်ပါသည်။ ခရမ်းချဉ်သီး တွင်ပါဝင်သော အာဟာရဓါတ်များနှင့် အကျိုးကျေးဇူးများကို မပျောက်ပျက်ပဲ ရရှိစေနိုင်မဲ့ နည်းလမ်းကတော့ ခရမ်းချဉ်သီးကို သုတ်စားခြင်းဖြစ်ပါသည်။ ခရမ်းချဉ်သီးကို ကမ္ဘာပေါ်