Gumala ang mga Walang Trabaho

Magandang araw Hiveans! Sana ay nasa maayos kayong kalagayan habang nagbabasa ng aking blog ngayon. Mag-ingat po lagi kasi hindi maganda ang panahon ngayon. Nandito naman po ako sa komunidad na ito upang sanayin ang aking sarili sa pagsusulat ng Tagalog.

Hindi ko na naalala kong sino ang unang nag-imbita na gumala kami pero ang alam ko sumama ako sa kanila kasi hindi po ako busy. Wala pa po kaming trabaho sa panahon na ito. Kakatapos lang namin sa kolehiyo at tapos na ring ipasa ang aming napakahirap na board exam. Ang kasama ko ay ang dalawang taong kasama ko ring gumala sa bayan ng Medellin, pero una kaming gumala rito bago doon sa bayan ng Medellin. Bago po ako sumama sa kanila ay humingi muna ako ng pahintulot sa aking mga magulang at sinabi ko kung sino ang aking mga kasama. Kilala na rin sila ng aking mga magulang kaya ayos lang sa kanila ang kung ako ay gumala kasama sila. Kasi naman noong wala na akong trabaho, hindi ako lumalabas sa amin. Kulang na lang ipagtabuyan nila ako para gumala. Hindi naman kasi ako pinipressure na makatrabaho agad kasi may hinihintay akong opurtunidad.

Ang nakakatuwa ay hindi ko alam kong ano ang pangalan ng lugar na aming pinuntahan. Isinama lang nila ako at parang nagsilbi silang bodyguard ko at ako ay kanilang ipinasyal. Biro nga ng aking kaibigan na si Hive account@coloredshimmers, ako daw ay si Dora at ang kasama ko naman ay sila Boots at Diego. Hahaha. Para akong isang dayuhan na hindi pamilyar sa lugar. Hindi talaga ako pamilyar kasi nasa bukirang bahagi ito ng aming bayan. Hindi ko ito kayang lakarin. Masuwerte naman ako ay may mga motor na ang dalawa kaya kahit saang gala, pwede akong sumama.

Ang lugar ng aming pinuntahan ay pagmamay-ari ng angkan ng M. Lhuillier. Sila ay isa sa pamilyang mayaman sa aming bansa. Nagkataon lang na hindi pa ito tapos ang pagbuo ng lugar kaya nagkaroon kami ng oportunidad na makapasok. Ito ay isang pribadong beach resort na halos gawa ng tao. Nilagyan nila ng puting buhangin ang lugar upang magkaroon ng “white sand”. Napakalawak ng lugar at ang linis pa po ng dagat. Maraming isda nakatira. Ipangbabawal na kasi sa lugar na ito ang mangisda. Ang mga mamamayan na malapit sa lugar ay hindi pinapayagan na mangisda dahil makakaisturbo daw sa mga lamang dagat. Pribadong-probado talaga ang lugar.

Napakaganda ng lugar na ito at ako ay nagpapasalamat sa dalawa kasi ipinasyal nila ako rito. Nagkaroon ako ng chance na malibot ang lugar hanggang hindi pa ito tuluyang maging pribado.

Sa ngayon ay natapos na ang lugar na ito at ito na ngayon ay pribado. Hinding-hindi na ito basta mapapasukan kung wala kang authority na makapasok.
Maraming salamat sa pagbabasa. Hanggang sa muli. Sana nagustuhan mo ang aking blog ngayon. Huwag niyo pong kalimutan ang suporta sa pamamagitan ng pag-upvote, reblog at paglagay ng comment kung may gusto din kayong ibahagi at naka-relate po kayo sa aking blog ngayon.

Sinulat ni: Maureen S. O
*Mga larawan ay pagmamay-ari ng aking kaibigan at edited sa PowerPoint