✏✏📝📅

နောက်ချေးပိုး (ခေါ်) နွားချေးပိုးမကြီးမှ မိမိ၏သားလောင်းများအား ပင်ပန်းကြီးစွာ စနစ်တကျမွေးမြူရပုံ။

နောက်ချေးပိုး မဖြစ်မီ နွားချေးနှင့်မံထားသည့် အလုံးထဲမှ သားလောင်းများအား ဇိဇီ စိစီ အီကုတ် စသဖြင့် နေရာဒေသကွဲ၍ အမျိုးမျိုးခေါ်ဝေါ်ကြ၏။ ထိုသားလောင်းများကို နွေရာသီ၌ နွားချေးပုံ ကျွဲချေးပုံ ဆင်ချေးပုံ စသဖြင့် လအတန်ကြာအောင် စွန့်ထားခဲ့သည့် တိရစ္ဆာန်များ၏ မစင်ဂျက်များအောက်မှ တူးဖော်ရရှိနိုင်၏။ တစ်ကျင်းလျှင် အနည်းဆုံး ၃လုံးမှစ၍ အများဆုံး ၁၅လုံးအထက်ခန့် ရရှိနိုင်သည်။ ထိုသားလောင်းများကို ထုတ်ယူ၍ ဆီ ဆား ငရုတ်သီးစိမ်း အချိုမှုန့် မန်ကျည်းရွက်တို့ဖြင့် ကြော်လှော်ချက်စားပါက အင်မတန်မှကို အရသာရှိလှ၏။

မိမိငယ်ငယ်က ဤကဲ့သို့ ရသတဏှာခံစားရန်အလို့ငှါ ကြောင်းကျိုးမဆင်ခြင်ဘဲ ငါးမျှား ဂဏန်းထောင် ဖားရိုက် ပုရစ်ဖမ်း ခရုကောက် ငှက်ပစ် စသည်အပြင် ပုံပါအတိုင်း အကုသိုလ်အမှုများ များစွာပြုမူမိခဲ့ပါ၏။ ယခုမှပင် နောင်တများစွာ ရမိပါ၏။ ကိုယ်အဆင်ပြေဖို့ရန်အတွက် သူတစ်ပါးအသက်အိုးအိမ်စည်းစိမ်ကို ဖျက်ဆီးခဲ့မိ၏။ ထိုအချိန် မိမိ၏အသိဉာဏ်ကား နုံ့လေစွတကား။ ဤအမှုသည် ကြီးလေးသော ပါဏာတိပါတကံကို ကျူးလွန်ခဲ့ခြင်းပေတည်း။ သမ္မပ္ပဓာန်လေးပါးတို့ဖြင့် ဝန်းရံအပ်သော ဝိပဿနာဘာဝနာတရားတို့ဖြင့် မဟန့်တားနိုင်ပါက သေသည်၏အခြားမဲ့၌ အပါယ်ငရဲသို့ ကျနိုင်ဖွယ်ရှိ၏။ ကံအကြောင်းထောက်မ၍ အပါယ်ငရဲသို့ မကျရောက်ခဲ့သည်ရှိသော် ဖြစ်လေရာဘဝများ၌ ထိုအကုသိုလ်၏ ဝိပါက်ကြမ္မာကြောင့် ဝိပါကဝဋ်ကြွေးတို့အား ကျိန်းသေ ဆပ်ရလတ္တံ့။ ထို့ကြောင့် အသေမဦးမီ ဉာဏ်ဦးအောင် ကြိုးစားကြပါစို့....

သိက္ခာပဒသုတ်, သပ္ပုရိသဝဂ်, ပဉ္စမပဏ္ဏာသက, အင်္ဂုတ္တရနိကာယ်ပါဠိတော် မြန်မာပြန်မှာ သပ္ပုရိသ
ကို သူတော်ကောင်း အသပ္ပုရိသကို သူယုတ်မာဟု မြန်မာဘာသာ ပြန်သွားတယ် ။ သုတ်မှာ ဟောထားချက်ဟာ သီလ လုံလျှင် သူတော်ကောင်း
သီလ မလုံလျှင် သူယုတ်မာ ဆိုသည့် အဓိပ္ပါယ်ပေါက်သွားပါတယ် ။ အရက်တခွက်မျှ သောက်ယုံနှင့် မိမိတို့ကို ဗုဒ္ဓမြတ်စွာက သူယုတ်မာဟု စွပ်စွဲနေတာပါလားဟု အထင်ရောက်သွားစေတယ် ။ တဘက်ကို အထူး ဒုက္ခပေးနေသည်ပင် မဟုတ် သတ်မှတ်ချက်တခုနှင့် လူပေါင်းများစွာကို ဗုဒ္ဓမြတ်စွာဟာ သူယုတ်မာဟု စွပ်စွဲတာပါလားဟု အထင်ရောက်သွားစေတယ် ။ အမှန်မှာ ဘာသာပြန်ကြောင့် နားလည်မှု လွဲကြရခြင်းသာ ဖြစ်ပါတယ် ။ သည်သုတ်မှာ သပ္ပုရိသ အသပ္ပုရိသ စသည်ကို သူတော်ကောင်း သူယုတ်မာဟု မပြန်ဆိုသင့်ပါဘူး ။
သန္တ + ပုရိသ = ကောင်းမြတ်သော ပုဂ္ဂိုလ် ။ ငြိမ်းအေးသော ပုဂ္ဂိုလ် ။

( ​လောကုတ္တရဂုဏ​ယော​ဂေန ​သောဘနာ ပုရိသာတိ သပ္ပုရိသာ။ သံ.ဋ္ဌ-၂၊ နှာ.၂၃၁ ။

သန္တကာယကမ္မာဒိတာယ သန္တဓမ္မသမန္နာဂမ​တော သန္တဓမ္မပ​ဝေဒန​တော စ သ​န္တော ပုရိသာတိ သပ္ပုရိသာ။ ဒီ.ဋီ-၃၊ နှာ.၂၃၆ )

သည်လောက် ပြန် တော်ပြီပေါ့ ။
သူတော်ကောင်းဆိုတာ အကျင့်ပျက်ချင် ပျက် စိတ်ထားကောင်းလျှင် သူတော်ကောင်းဆိုသော မြန်မာတွေ နားလည်ထားသည့် သူတော်ကောင်းအယူအဆနှင့် ပါဠိအယူအဆဟာ တထပ်တည်း မတူ၍ သည်ပါဠိတော် မြန်မာပြန်ဟာ ပြဿနာ ရှိပါတယ် ။ မြန်မာတွေက စိတ်ထားမကောင်းလျှင် သူယုတ်မာ သည်လို နားလည်ထားကြတာပါ ။ ယခု သန္တကို အရကောက် သဒ္ဓါ သီလ စာဂ သုတ ပညာ ဟီရိ သြတ္တပ္ပ ။ သပ္ပုရိသဆိုလျှင် ယင်းတရားအင်္ဂါတို့နှင့် ပြည့်စုံသော ပုဂ္ဂိုလ်ဟု ယေဘုယျအားဖြင့် မှတ်ကြယုံပေါ့ ။ သည်အရကောက်နှင့် မညီညွတ် အသပ္ပုရိသပါ ။ စိတ်ထား ကောက်ကျစ် စဉ်းလဲ မဖြောင့် ယုတ်မာ စသည်တို့နှင့် တိုက်ရိုက် မပတ်သတ်သေး ။ မကောက်ကျစ် မစဉ်းလဲ မယုတ်မာဟူသော သဘောမျိုးကိုလည်း မဆိုလိုသေး ။ မေတ္တာတရားနှင့် ပြည့်စုံသောသူ ဟုတ်မဟုတ် ဆိုသည်တို့နှင့် တိုက်ရိုက် မပတ်သတ်သေး ။ မြန်မာတွေ ပြောသော သူတော်ကောင်း ( သို့ ) သူယုတ်မာ ဟူသည် အရက် သောက်ချင် သောက်နေမည် ကူညီတတ်သော မေတ္တာတရားနှင့် ပြည့်စုံ၍ သဘောကောင်းခြင်း မကောက်ကျစ် မစဉ်းလဲဖြောင့်ဖြူးခြင်း, ( သို့ ) ရက်စက်ခြင်း ကောက်ကျစ်စဉ်းလဲမဖြောင့်ဖြူးခြင်း ရှိသော ပုဂ္ဂိုလ် သည်လို အဓိပ္ပါယ် သက်ရောက်တယ် ။ သည်လူဟာ လူယုတ်မာဟု ဆိုလိုက်လျှင် တသက်တာ သဘောလည်း ဆောင်တယ် ။ ဗုဒ္ဓမြတ်စွာ ပြောသော သပ္ပုရိသဟာ အခြေအနေနှင့် အချိန်အခါအရပါ ။

အထက်က အရကောက် ခွန်နှစ်ပါးနှင့် ညီညွတ်ချိန်မှာ ကောင်းမြတ်သော ပုဂ္ဂိုလ်ပါ ။ မညီညွတ်လျှင် မကောင်းမြတ်သော ပုဂ္ဂိုလ်ပါ ။ အခြေအနေ အချိန်အခါအလိုက် မကောင်းမြတ်ဘူး ပြောခြင်းကို သူယုတ်မာဟု မည်သို့ ဘာသာ ပြန်လိုက်သည် မသိ ။ အကောင်းကို ပြောင်းပြန်လှန်လိုက်ဦး ။ မကောင်းပေါ့ ။ ဗုဒ္ဓမြတ်စွာဟာ သည်နေရာမှာ မကောင်းဟုသာ သုံးတယ် ။ အယုတ် အယုတ်တမာကောင်ဟု မပြောသေး မသုံးသေး ။ မကောင်းဟူသော အနက်မှာ ယုတ်မာခြင်း အဆင့် ရောက်နိုင်တာ ရှိတယ် ။ သာမာန် မကောင်းဟာ မကောင်းအဆင့် ဖြစ်ကာမတ္တ မည်ကာမတ္တ ရှိတယ် ။ အယုတ် အယုတ်တမာကောင်ဟု ပြောလိုလျှင် မြတ်စွာဘုရားဟာ ပါပ ပါပိမ ဟု တိုက်ရိုက်သုံးတတ်ပါတယ် ။ သုံးတာ များတယ် ။ သည်သုတ်မှာဆိုလျှင် မကောင်းတာ ဘာလဲ ? အသက်သတ်ခြင်း စသည် ။ အသပ္ပုရိသတရ = အတိုင်းအထက်အလွန် မကောင်းတာက မိမိတင် မဟုတ် သူတပါးကိုပါ သတ်ဖြတ်ဖို့ရန် တိုက်တွန်းခြင်း စသည် သည်လောက်ပါပဲ ။ မယုတ်မာ ယုတ်မာနှင့် စပ်သော သူတော် ကောင်း မကောင်းမျိုးဆိုလျှင် ဗုဒ္ဓမြတ်စွာဟာ ကလျာဏ ပါပ သည်လို သုံးတတ်တယ် ။ အများအားဖြင့် စိတ်ထား အယူဝါဒ ညံ့ဖျင်းဖျင်းတွေကို အသေကိုင်ထားမှ သုံးလေ့ရှိတယ် ။ ဥပမာ အမြဲ သတ်ဖြတ်ချင်နေခြင်း သတ်ဖြတ်တာ ကောင်း၏ အယူအဆကို ကိုင်ထားခြင်းစသည်ပေါ့ ။ အတိုင်းအထက်အလွန် ယုတ်မာလျှင် သူတပါးကိုပါ သတ်ဖြတ်ခြင်းဟာ ကောင်းမှု စသည် ယုံကြည်စေရန် စည်းရုံးတာမျိုးပေါ့ သတ်ဖြတ်လိုစိတ်ကို သွေးပေးနေတာမျိုးပေါ့ ။ ပဌမပါပဓမ္မသုတ်, ဒုတိယပါပဓမ္မသုတ်, စတုက္ကနိပါတ်, အဂ္ဂင်္ုတ္တရနိကာယ်ကို ကြည့်ပါ ။ သို့သော် အသပ္ပုရိသကို မသူတော် သူယုတ်မာ စသည် မသုံးနိုင်ဘူးလား ? ပါပိမ ဖြစ်လျှင် အသပ္ပုရိသ ဖြစ်တာတော့ ငြင်းစရာ မရှိပါ ။ အသပ္ပုရိသကို သူယုတ်မာဟု ဘာသာပြန်လိုလျှင် အသေ ဆုပ်ကာထားသော စိတ်ထား အယူဝါဒ ညံ့ဖျင်းခြင်း ရှိမရှိကိုသာ ကြည့်ဖို့ရန် လိုအပ်ပါတယ် ။

ပြောလိုသည်မှာ မြတ်စွာဘုရား ဟောသည်ထက် ပိုပို၍ ပြောလျှင် ပြဿနာ အမြဲရှိနေတတ်သည်ဟု သိစေချင်ယုံမျှသာ ။ ကမ္ဘာပေါ်က ဗုဒ္ဓစာပေပညာရှင်လောကမှာတော့ သည်လို သုတ်တသုတ် သိက္ခာပုဒ်တခု စသည်ကို ရှင်းလင်းစေရန် ကြိုးစားကြရာမှာ ပိုလွန်သွားလျှင် ဗုဒ္ဓ၏ အခွင့်အာဏာ ပိဋက၏ အခွင့်အာဏာကို ကျော်လွန်၍ ဖွင့်ဆိုခြင်း ပြန်ဆိုခြင်း သည်လို သမုတ်ပါတယ် ။ ဥပမာ ဝိနည်းကြောင်းအရ ရဟန်းတွေဟာ အမျိုးသမီးတွေကို မကိုင်ရ မထိရပါဘူး ။ မွေးကင်းစအရွယ် မိန်းကလေးက အစ မည်သည့်အရွယ်ရှိ မိန်းမကိုမဆို မထိတွေ့ရပါဘူး ။ မိခင်အပါအဝင် အားလုံးကို မထိတွေ့ရပါ ။ လုံးဝ မထိရတာလား ? ရာဂဘီလူး ဝင်ပူးအပ်သော စိတ်ဖြင့် ထိတွေ့သုံးသပ်မှု မရှိရတာပေါ့ ။ အဖွင့်ဆရာတွေက ဘာထပ်ရှင်းသလဲ ? မိခင်က ရေနစ်နေတယ် လက်နှင့် ဆယ်ပြီး မကယ်ကောင်း ။ ကလေးမတယောက် ရထားဘီလုံးအောက် ဝင်သွားမယ် ။ လက်နှင့်ဆွဲပြီး မထုတ်ကောင်း သည်လို သဘောတွေထိ ဖွင့်တာ တွေ့ရတယ် ။ ဗုဒ္ဓမြတ်စွာ ပြောတာ ရှင်းရှင်းလေး ။ ရာဂဘီလူး ဝင်ပူးအပ်သော စိတ်ဖြင့် မသုံးသပ်ရ ။ သေတော့မှာကို သည်အတိုင်း ကြည့်ခိုင်းနေသည် မဟုတ် ။ သေမှာကို သည်အတိုင်းကြည့်နေမှတော့ ရဟန်း၏ ဂုဏ်သိက္ခာ ဘာရှိတော့ပါ့မလဲ ? စိုးရိမ်တကြီး အသက်ကယ်နေချိန် မည်သူ့ကို လိင်အရသာ ခံလို၍ ထိတွေ့လို၍ ကိုင်တွယ်ပါသည် စွပ်စွဲနိုင်ပါ့မလဲ ?

ထို့ကြောင့် သည်လို အဖွင့်တွေဟာ ဘုရား၏ အခွင့်အာဏာကို ကျော်နေသော အဖွင့်များဟု မှတ်နိုင်ပါတယ် ။ သို့ဆိုလျှင် ဘုရား၏ အခွင့်အာဏာကို မကျော် ဘုရား ပြောနေသည်ထက် ပိုမပြောသည် ဖြစ်စေရန် ဘယ်လို ကြည့်ကြရမလဲ ? ယခု ပြဿနာ တက်ခဲ့သော သုတ်မှာပင် ဘယ်လို ကြည့်သလဲ သိနိုင်ပါတယ် ။ သည်သုတ်မှာ သပ္ပုရိသဟာ သီလလုံသူ အသပ္ပုရိသဟာ သီလမလုံသူ ။ သည်လောက်ပဲလေ ။ သပ္ပုရိသ အသပ္ပုရိသနှင့် ပတ်သတ်ပြီး ဘုရားဟောသော သုတ်များစွာ ရှိတယ် ။ တသုတ်နှင့် တသုတ် မတူဘူး ။ တခါတရံ ပညာရှိသူ မဲ့သူ တခါတရံ စိတ်တည်ငြိမ်သူ မငြိမ်သူ ။ တခါတရံ အယူဝါဒ မဆိုးသွမ်းသူ သွမ်းသူ ။ အယူဝါဒဆိုးသွမ်းလျှင် ယုတ်မာသည်ဟု ဘုရား ဟောနိုင်တယ် ။ သုတ်မှာ လိုချင်သော အနက်ကို ဘုရားဟာ ဘယ်သူ ဘယ်လို ဘာကြောင့် ကိုယ်တိုင်မေး ကိုယ်တိုင်ဖြေပြီး တခါတည်း ပိုင်းခြားပေးထားသား ။ ဘုရားဟာ အိန္ဒိယစာပေကဏ္ဍမှာ သာမာန်လူပိန်းတွေအတွက် intellectual ဖြစ်သော စာပေကို လူပိန်းနားလည် လွယ်စေ ခံစားနိုင်စေ ဖြစ်အောင် intelligible လည်း ဖြစ်၍ အလွယ်နည်းသုံးသည့် တဦးတည်းသော မဟာလူသားပါ ။ သို့ဆိုလျှင် စာပေကို ခံစားမည့်သူဟာ မိမိစွပ်စွဲလိုသော အနက်ထိ ရောက်မရောက် သုတ်အတွင်းမှာပင် ရှာဖွေနိုင်ပါတယ် ။ ဘုရားက ဘယ်လိုလူဟာ သပ္ပုရိသလဲဟု ကိုယ်တိုင်မေးပြီး သည်လို ပညာရှိသူဟာ သပ္ပုရိသ စသည် ဖြေတယ် ။ သို့ဆိုလျှင် သပ္ပုရိသ အရကောက်ဟာ ပညာရှိသူပါ ။ အသပ္ပုရိသဟာ ပညာမဲ့သူပါ ။ မိမိ စွပ်စွဲနေသော အနက် သုတ်မှာ မပါဘူးဟု သတိထားမိနိုင်ပါတယ် ။ ကြည့်ပုံကြည့်နည်းဟာ အရမ်းခက်နေသည် မဟုတ်ပဲလျှက် ပိုလွန်၍ ကောက်ယူ စွပ်စွဲနေကြလျှင် ဘုရားလည်း မပြောခဲ့ပဲလျှက် ဘုရားကို သက်သက် ထိုင်ပြစ်မှားနေသည်နှင့် တူနေတော့မှာပါ ။ သတိပြုနိုင်ကြပါစေ ။

@elay