Hinuha kong ikaw ang magbibigay liwanag
Sa nauupos kong pag-asa na wala ng sinag
Di ko sukat akalain na ako'y iyong itulak
Ibaon sa dusa at lalong nalugmok sa lusak
Ang iyong ginawa ay sobrang sakit
Sa aking himaymay at puso ay nakaukit
Iniisip kong ako ay mapalad
Ngunit pag-ibig mo pala ay marupok at huwad
Inakalang pagsuyo mong totoo at malaya
Nilinlang mo lang ang puso ko, ikaw na mapagsamantala
Sa natutulog kong damdamin na nagtiwala
Lapastangan sa tulad kong mahina
Pinagmamasdan ang paghampas ng alon
Ng magawi ako sa dalampasigan isang maulang hapon
Dito sa tabing dagat kung saan
Gumuho ang mga pangarap at sumpaan
Katulad ng kastilyong buhangin
Namatay at natatangay din ng hangin
Tulang Orihinal ni 