*** ငါ့......လွတ်လပ်ရေး ****
---------------------+------------------
ချော့ယူရမယ်..
ချော့ယူလို့မရရင်
တောင်းယူမယ်..
တောင်းလို့မရရင် တိုက်ယူမယ်...
တိုက်လို့မှ မရရင်
သတ်ပြီးယူသင့် ယူရလိမ့်မယ်...
အဲ့ဒီနောက်
စာရွက်ဖြူဖြူပေါ်မှာ
ငါ့နာမည်ကို
မှင်နီနဲ့ရေးထားလိုက်ပါ...
တစ်ဖက်တစ်ချက်မှာ
ချည်နှောင်ထားတဲ့ အရာတွေထဲမှာ
လွတ်လပ်ရေးတမ်းချင်းကို
ငါ မြတ်နိုးနေမိတယ်...
ပိတ်လှောင်နံဟောင်နေတဲ့
အချို့ နှစ်ဟောင်းနှစ်ချို့တွေက
ပုတ်သိုးနေပြီဆိုတာ နားမလည်တတ်ပေမဲ့
စံပယ်ဖြူတစ်ပွင့်ကိုစိုက်ပျိုးပြီး
ရှိခိုးနေရတာကိုပဲ
အဓိပ္ပါယ် ပြည့်ဝနေတတ်လေ့ရှိရဲ့...
အလိမ္မာသတ်လို့
သေဆုံးသွားတဲ့ ရူးမိုက်ခြင်းတွေ.....
ခြံလှောင်အိမ်မက်တစ်ချို့ရဲ့
ရဲရင့်နေတတ်တဲ့ တိမ်စီးပုံပြင်တွေ....
အတ္တတချို့အလယ်မှာ
ချို့တဲ့လန်းစွင့်ခွင့်ရတဲ့
နေမဝင် စိတ်ကူးတွေ
ထိခိုက်ရှနာ များလွန်းတဲ့
ဘယ်တိုက်ပွဲကိုမှ
မကြုံချင်တော့ဘူး..
ကိုယ်တို့ တိုက်ပွဲတွေကနေ
ရှောင်လွှဲနည်းတချို့ကိုရှာဖွေရင်း
ကိုယ်တို့ ..
ဖက်လှဲတကင်း နှုတ်ဆက်ကြရအောင်...
အဲ့ဒီအခါ
ငြိမ်းချမ်းရေးဂီတကို
တိုးတိုးလေးဖြစ်ဖြစ် ရွတ်ဆိုကြမယ်လေ...။
I'm ATM.