မနက်ဖြန်များစွာ ရှိနေသရွေ့တော့
မျှော်လင့်ချက်ဆိုတာလေး နဲ့အသက်ဆက်နေပါရစေ။
မျှော်လင့်ချက်ရှိနေသရွေ့လည်း
မြတ်နိုးတမ်းတစွာ ချစ်မိနေဦးမှာပါ။
ဘုရားမှာဦးချသစ္စာဆိုပြီး
ဆုတောင်းလို့ပြည့်မယ်ဆို ဆုတစ်ခုတော့တောင်းလိုက်ချင်ရဲ့။
ရင်ထဲက ခံစားချက်ကို ခံစားစာနာနားလည်နိုင်မဲ့ နှလုံးသားမျိုး မင်းမှာပါပါစေလို့လေ။
ဒါပေမဲ့လည်း ဒီဘဝမှာတော့
ကိုယ့်ရဲ့အချစ်တွေကို မင်းဆီကအသိအမှတ်ပြုခြင်းမခံခဲ့ရပါဘူး။
ဆိုင်သူရှိပြီးသားတဲ့လေ။
နောက်ဘဝဆိုတာ ရှိခဲ့ရင်တော့
သံသရာတကွေ့ ပြန်လာတွေ့တဲ့အခါ
ဆုံဆည်းပါရစေနော်။
