လုပ်ပွဲ

ပေယျလကန်မှာ မနက်စောစော မိအေးကြည်ရွာထဲထွက်ရင် သတင်းထူးပြီ။ အေးကြည်တို့ ခေါင်းတမော့မော့ ဖြစ်နေရင် သတင်းထူးကြားရတော့မယ်။

“အေးကြည်မရေ … အိမ်ထဲဝင်ဦးလေ”

“အားသေးဘူးတော့”

“မိအေးကြည် အဖန်ရည်လေးများ ဝင်သောက်ဦး”

“ဗေဒါတို့အိမ်ကို သွားမလို့ … လိုက်ချင်ရင် လိုက်ခဲ့”

ရွာထဲမှာ မိအေးကြည် ခေါင်းမော့ပြီး ရင်ချီကာ လိမ်ဖည်ဖည်လျှောက်လာရင် သတင်းထူးပါပြီ။ ဒီနေ့မှ ဒီကောင်မ အကြောတင်းနေတာ သတင်းကောင်းပါကိုပါမယ်။ ဗေဒါတို့ဆိုင်မှာ လူစုံတော့

“ဟေ့ကောင်မတွေ သိပြီးပြီလား”

အားလုံးရဲ့ အာရုံကို ဖမ်းချုပ်ပြီးပြီ ဆိုမှ မိအေးကြည်က

“ပြောချင်ဘူးအေ … ကြားလို့မှမတော်”

“ဟဲ့ ကောင်မ … ပြောမှာပြောစမ်းပါ သိချင်လွန်းလို့ သေးတောင်ထွက်ကျတော့မယ်”

“သူကြီး ခယ်မ ကိုယ်ဝန်တော်ခနေပြီလေ”

“ဟယ်တော်”

“ဟာ”

သူကြီး ခယ်မ လင်မှမရှိတာ။ ဘယ်ကနေ ကိုယ်ဝန်ကရှိရတာလဲ

“ငါ ခန့်မှန်းလိုက်မယ် အေးကြည်မ … မဟုတ်မှလွဲရော … သူကြီး”

“အလိုကွယ် တစ်နဲ့ တစ်ပေါင်းရင် နှစ်ရတယ်ဆိုတာ ကလေးတောင်သိတာ အဆန်းလုပ်လို့”

“ကျုပ်ကို မနက်က စောစောအိမ်လာခေါ်ပြီးတော့ ကိုယ်ဝန်စမ်းခိုင်းတာလေ။ ကိုယ်ဝန်ရှိနေပြီဆိုတော့ ပွက်လော ညံကုန်တာပေါ့။ ကျုပ်ကိုတောင် သူကြီးက ညည်းလျှောက်ပြောလို့ကတော့ အသေပဲတဲ့။ ကျုပ်ကလည်း သေခါမှသေ၊ သိလိုက်ရကတည်းက ပါးစပ်ကို ယားနေတော့တာ”

မိအေးကြည်က အရပ်လက်သည်လေ။ ဒါကြောင့် သတင်းစုံ။ ပေယျာလကန်ရဲ့ သတင်းစာပေါ့။

“ဟဲ့ … သူကြီးနဲ့ မဟုတ်လား”

“သူကြီးနဲ့ကလွဲပြီး ဘယ်သူနဲ့ဖြစ်ရမှာလဲ။ သူကြီးဆိုတာက ခယ်မကို အိမ်ပေါ်တင်ထားပြီးကတည်းက ဘီလူးမယ့်ကြောင့် စောင့်တော့တယ်ဖြစ်နေတာ။ အိမ်က သူရင်းငှား ရွှေဘော်ကိုတောင် ထုတ်ပစ်လိုက်တာ ကြည့်။ နောက်ဆုံးတော့လည်းအေ … ဟေ … ဟေ”

ဒီလိုနဲ့ သူကြီးခယ်မ ကိုယ်ဝန်ရတဲ့သတင်း ပေယျာလကန်မှာ တီးတိုးတီးတိုးကနေ ကျယ်လောင်လာ။ သူကြီးကတော်က

“ကျွန်မ ရှက်တယ် … ကျွန်မ ရှက်တယ် … ဒီအတိုင်းတော့ မနေဘူး။ သတ်သေပစ်မယ်”

“မင်းကလည်း စိတ်လိုက်မာန်ပါ မလုပ်ပါနဲ့ … ဒီကိစ္စ ငါရှင်းပါမယ်”

“ဒူ … ဒူ … ဒူ”

သူကြီးအိမ်က မောင်းသံကြားရင် ရွာသားတွေလာကြရတယ်။ အိမ်ဝိုင်းထဲမှာ လူတွေစုံတော့ သူကြီးက အိမ်ပေါ်က အခန့်သားဆင်းလာတယ်။ တပည့်တစ်ယောက်က နှစ်လုံးပြူးကိုထမ်းလို့ပေါ့။ တစ်ရွာလုံးကို နှစ်လုံးပြူးပြပြီး အုပ်ချုပ်ရတာဆိုတော့ ဒါကလည်း အဆောင်တစ်မျိုးပေါ့။

“အဟမ်း”

သူကြီးရဲ့ အောင်မြင်တဲ့ ချောင်းဟန့်သံကြီးကို ပေါ်လာပြီး

“ဒီမှာ ကျုပ်ရှင်းရှင်းပဲပြောမယ် … မင်းတို့ရွာသားတွေ တီးတိုးတီးတိုး အတင်းမပြောကြနဲ့ … ငါ့ခယ်မ ရွှေမိမှာ ကိုယ်ဝန်ရှိနေပြီ”

“ဟာ”

လူတွေက အမှန်တော့ အံ့သြချင်ယောင်ဆောင်ပြတာ။ အားလုံးက သိပြီးသား။

“ရှင်းရှင်းပြောမယ် … အဲဒီကိုယ်ဝန် ဘယ်သူနဲ့ ရတယ်ဆိုတာ”

လူတွေရဲ့ စိတ်ဝင်စားမှုက အထွတ်အထိပ်ရောက်နေပြီ။ အပ်ကျသံတောင် မကြားရလောက်အောင်ပဲ။ သူတို့ ထင်နေကြတာက သူကြီးလူလည် တစ်ယောက်ယောက်ကို အဖေဖော်တော့မယ်ပေါ့။ တာတီးလား။ ကြက်သိုးလား။ ခြောက်စောင်းလား။ ရွှေဘော်လား။

“အဟမ်း”

သူကြီးက ဒုတိယအကြိမ်မြောက် ဟမ်းလိုက်ပြီးတော့

“အဲဒါ … ငါနဲ့ ရတဲ့ ကိုယ်ဝန်ပဲ”

“ဟာ”

သူကြီးက ဒီလိုကြီး ပွင့်ပွင့်လင်းလင်း ဝန်ခံလိမ့်မယ်မထင်ဘူးပေါ့။ အိမ်ပေါ်က သူကြီးကတော် ပြေးဆင်းလာ တယ်။

“အလိုတော် ဖွတ်ထွက်မှ တောင်ပို့မှန်းသိတော့တယ်။ ဟဲ့ ကောင်မ ဆင်းလာခဲ့စမ်း … နင့်ကို လူရှေ့မှာ မသတ်ရရင် ငါမကျေနပ်ဘူး။ ကုပ်ကမြင်းမ”

“ဟေ့ … တော်”

သူကြီးရဲ့ အောင်မြင်တဲ့ အသံကြီးကပေါ်လာပြီး

“အားလုံး နားလည်ထားကြစမ်း … တကယ်တော့ ငါ့အနေနဲ့ ကိုယ်ဝန်ရှိစေလိုတဲ့ စိတ်နဲ့ သူ့ကို လုပ်ခဲ့တာ မဟုတ်ဘူး”