နည်းပညာ
Subcategory:
စိုက်ပျိုးနည်း
ခရမ်းချဉ်သည် ခြောက်သွေ့သောရာသီ၊ နေ့အပူချိန် ၂၁-၂၅ဒီဂရီ စင်တီဂရတ်နှင့် ညအပူချိန်၁၅-၂၀ ဒီဂရီစင်တီဂရိတ် အတွင်းကောင်းစွာ ဖြစ်ထွန်းသည်။ အပူချိန်၃၀ ဒီဂရီစင်တီဂရိတ် ထက်ကျော်လျှင် အပင်သည် အသီးတည်ရန် ခက်ခဲသည်။ စိုထိုင်းဆသည် အသီးရင့်မှည့်ချိန်တွင် ၆၀ % ထက်မြင့်မားနေလျှင် ရောဂါကျရောက်မှုကို တိုးစေပြီး မျိုးစေ့အထွက်နှုန်းကို လျော့ကျစေသည်။ မိုးရာသီအတွင်း မျိုးစေ့ထုတ်ခြင်းသည် အရည်အသွေး ညံ့သောမျိုးစေ့များကိုသာ ရစေသည်။ ပြီးခဲ့သောရာသီတွင် ခရမ်းချဉ်စိုက်ခဲ့သော အခင်းများအား အသစ်ခရမ်းချဉ်မျိုးနှင့် ကျန်ရှိရာမှ ပေါက်လာသော ခရမ်းချဉ်မျိုးတို့ ရောနှောခြင်းမှ ကင်းဝေးရန် ရှောင်ရှားပါ။ စပါးပြီးနောက် ခရမ်းချဉ်စိုက်ပျိုးခြင်းသည် နီမတုတ်နှင့်ရောဂါ ကျရောက်မှုကို လျော့ချစေသည်။ ယေဘုယျအားဖြင့် အပင်များအား လိုအပ်သလို ပြုမူဆောင်ရွက်ခြင်းသည် စောစောရင့်မှည့်ခြင်း၊ ရောဂါကျရောက်မှုနည်းခြင်း အထွက်နှုန်း မြင့်မားခြင်းနှင့် မျိုးစေ့အရည်အသွေး ပိုမိုကောင်းခြင်းတို့ ရရှိစေပါသည်။ ကမ္ဘာပေါ်တွင် ခရမ်းချဉ်စိုက်ပျိုးသော ဦးဆောင်နိုင်ငံများမှာ အမေရိကန်၊ ဥရောပနိုင်ငံများ ဂျပန်နှင့်တရုတ်တို့ဖြစ်သည်။ ကမ္ဘာခရမ်းချဉ် စိုက်ဧကပေါင်မှာ ဟက်တာသုံးသန်း ကျော်ရှိသည်။
ခရမ်းချဉ်မျိုးများမှာ-
Arka Saur, Hisar Arun, Hisar Lalit, Pant T-3, Pusa Ruby, Roma, KS-2, Punjab Chhuhara, Selecion 120နှင့် မြန်မာဒေသမျိုးကောင်းများ။
မျိုးမရောစေရန် ထားရှိရမည့် အကွာအဝေး
အခြေခံမျိုး အဆင့်(၂)မျိုးစေ့အတွက် -၅၀မီတာ
မျိုးသန့် အဆင့်(၂)မျိုးစေ့အတွက် -၂၅မီတာ
ရာသီဥတုနှင့် မြေအမျိုးအစား
ခရမ်းချဉ်သည် နွေးသောရာသီကို နှစ်သက်သော သီးနှံဖြစ်သည်။ သင့်တော်သော အပူချိန်မှာ ၂၀-၂၄ဒီဂရီ စင်တီဂရိတ်ဖြစ်သည်။ ပျမ်းမျှအပူချိန်သည် ၁၆ဒီဂရီ စင်တီဂရိတ်အောက် နည်းလျှင်(သို့)၂၇ဒီဂရီထက်များလျှင် မကောင်ပေ။
အနီရောင်ကို ဖြစ်စေသော လိုင်ကိုပင်းဓါတ်သည် ၂၁-၂၄ဒီဂရီစင်တီဂရိတ် တွင်အမြင့်ဆုံးဖြစ်သည်။ ထိုရောင်ချယ်ဆဲလ်များ ထုတ်ပေးမှုသည် အပူချိန်၂၇ ဒီဂရီ စင်တီဂရိတ်ကျော်လျှင် လျင်မြန်စွာ လျော့ချသွားနိုင်သည်။ ရေစီးရေလာကောင်းပြီး ရေထိန်းထားနိုင်မှု ကောင်းသည့်သဘာဝ မြေသြဇာထက်သန် သောမြေများသည် ခရမ်းချဉ်အတွက် စံပြဖြစ်သည်။ သက်လျင်မျိုးများအတွက် မြေသြဇာထက်သန်သော မြေများမှာ ပို၍ကောင်းသည်။ ခရမ်းချဉ်သည် မြေချဉ်ငံဓါတ် ၆မှ၇ရှိသော မြေတွင်ကောင်းစွာ ဖြစ်ထွန်းသည်။ မြေချဉ်ငံဓါတ်၅.၅ခန့်ရှိသော အက်ဆစ်ဆန်သည့် မြေချဉ်များကို အတော်အသင့် ခံနိုင်ရည်ရှိသည်