Emo time! Ito ang aking lahok sa patimpalak ni 
Ito yong link: Word Challenge #:19|Tagalog Edition
Photo by 123RF.com
Habang tumatagaktak sa bubungan.
Nahulog mula sa balisbisan
Salo ng kamay, sinusubukang hawakan.
Mga halik nito sa bukas na palad,
Tila kalungkutan nahuhubad.
Humahakbang mga paa palabas.
Sinasabayan ang pagsayaw ng mga bulaklak.
Daan-daang butil na nahuhulog
kasabay mga lagas na dahon natatapik,
At sa tangkay bumibitaw ng kapit,
Sabay lumilikha ng himig sa yerong manipis.
Pagmamasdan ko lang sana ang ulan.
Ngunit mga luha 'di mapigilan.
Nakikipagsabayan sa pagbugso,
Na parang wala ng katapusan.
Kaya pinipili ko ang lumabas sa daan,
Upang mga mata ay mahugasan.
Sumasayaw sa himig niyang dala,
Hanggang pareho silang tumila.