Bhaaiyo kal hum jeet gaye series, West Indies aur India ke beech kheli gayi 5 one day series ko hum 3-1 se jeet gaye. Aakhri match to bahut buri tarah haari hai west indies. 104 run maar kar hi sab ke sab out ho gaye yaar. Ravindra Jadeja ki bowling ne kamaal kar diya. Pahle ye itna achha bowling nahi karte they lekin ab achha bowling karne lage hai.
IPL me bhi chennai super kings ki taraf se kuch khas kamaal nahi dikhaya tha lekin abhi kuch match se ye achha karnama dikha rahe hai. Apni bowling par kaafi sudhaar kiya hai Jadeja ne. Aur batting par bhi kaafi sudhaar kiya hai. Batting aur bowling dono hi achha ka rahe hai ab.
Hardik Pandya ko bhi apni batting aur bowling sudhaarni chahye. Unki bowling aur batting dono hi kharab chal rahi hai. Isi wajah se sayad unko west indies ke saath khelne ka mauka nahi diya gaya. T20 start hone waali hai usme Dhoni ko nikaal diya hai unke badle ya to Rishabh Pant khelenge ya fir Dinesh Karthik khelenge.
Lekin Hardik Pandya khelenge ki nahi ye to mujhe pata nahi hai ab ye to waqt hi batayega ki ye khelte hai ki nahi khelte hai. Khair west Indies bahut kamjor team thi iss se jeetna to asaan tha ab dekhte hai aage kiya karte hai team India. Aage sahi se khel paate hai ki nahi khel paate hai ye to waqt batayega.
Aur yaar mujhe to lagta hai Dhoni ko T20 ke liye baitha kar sahi kiya hai. Kyo ki wo ab achhe se khel nahi paa rahe hai. Jaanta hoon wo bahut achhe keeper hai lekin batsmen wo achhe nahi rahe ab. Pahle jaisi baat nahi rahi usme ab wo budhe ho chuke hai iss wajah se unko baitha dena chahye. Mujhe to lagta hai agle world cup ke liye Rishabh Pant ko taiyaar karna chahye.
