PAGBABAGO
Araw araw tayong nagkakasama
At simula pagkabata tayo'y magkabarkada
Pero bakit ika'y nagbago na
Pagkakaibigan ay 'di na kilala
Sa malaking puno, ating binuo
Mga pangarap natin sa mundo
Peks Man yan ang iyong sambit
Tiwala sa isa't isa ay 'di nawaglit
Kaya kaibigan, anong nangyari?
Bakit ba puno ng poot at pighati
Para sa mundong alam nating kaygulo
Hindi ka ba nasanay sa ating mundo?
Sana ay maunawaan, ako rin ay nasasaktan
Habang nakikita kang galit ng walang dahilan
Pero 'di naman kita masisisi
Nangyari nga sayo ay 'di dapat ipagmalaki
Nawala nga naman sayo ang lahat
Na alam ko'y sayo talaga ay hindi nararapat
Pero wag sana itong gawing dahilan
Upang pangarap ay mapunta sa kawalan
Heto ako, ang iyong matalik na kaibigan
Hinding hindi kita bibitawan
Kahit man araw araw mo akong saktan
Sapagkat ang totoong tao ay 'di nang-iiwan
Minsan, hindi natin maikakaila na nagbabago talaga ang tao. Ngunit ang isang mabigat na pagbabago ay yung nakikita mo siyang nagbabago dahil sa isang trahedya. Kay saklap naman siguro ang mawalan ng mga mahal sa buhay na sa isang iglap lang ay tila nawala na nang tuluyan. Kaya kaibigan, hayaan mo na ipadama ko sa iyo na hindi ka pa nag-iisa.