အရှင်ဘုရားရဲ့စာတွေကိုဖတ်ကြည့်တော့ ဒေါ်စုရဲ့လုပ်ရပ်တွေအပေါ် စောဒကတက်တာ
ထောက်ပြ ဝေဖန်တာ တစ်ခုမှမတွေ့ရဘူး။ ဒေါ်စုလုပ်တာတွေအားလုံးကိုထောက်ခံသလား
ဘုရား။မထောက်ခံတာ တစ်ခုမှပဲ မရှိတာလား။ ဒီလိုမေးလို့စိတ်မဆိုးပါနဲ့ဘုရား။ တဲ့။
မဆိုးပါဘူးဒကာ။ ခုခေတ်စကားလုံးနဲ့ပြောရရင် " အရှင်ဘုရားက ဒေါ်စု ( crazy ) ခရေဇီ
လား။ ? ဒေါ်စု လော်ဘီ ( lobbyist ) လား။ ?ပေါ့။ ထားပါလေ။ ဘယ်လိုထင်ထင် ပြဿနာ
မရှိပါဘူး။
လောကမှာ လူတွေဟာ တစ်ယောက်နဲ့ တစ်ယောက် အသိဉာဏ်ပညာ အဆင့်အတန်း
မတူညီကြဘူး ဒကာရဲ့။ ဒီတော့ အတွေးအမြင်၊ အသိအမြင်ခြင်းလည်း ဘယ်တူမှာလဲ။ကိုယ်
ကျွမ်းကျင်ရာမှာ လိမ္မာကြတာကိုး။ ပြိုင်ကားမောင်းတဲ့ နေရာမှာ ဟာမီတန်ကို သူရဲ့နည်းပြက
ဘယ်မှီမှာလဲ။ ဒီလိုပဲ။ ကမ္ဘာ့အကောင်းဆုံးဘောလုံးသမားတွေကို ထိန်းကျောင်းမောင်းနှင်နေတဲ့
နည်းပြဟာလည်း ကမ္ဘာ့အကောင်းဆုံးဘောလုံးသမား ဟုတ်ချင်မှ ဟုတ်မှာပေါ့။
ဘာကိုဆိုလိုချင်တာလည်းဆိုတော့ လူတိုင်းဟာသူ့နေရာနဲ့သူတော်ကြပေမဲ့ နေရာတိုင်းမှာ
တော်ကြတာမဟုတ်ပါဘူး။ ဒေါ်စုမသိတာတွေ၊ မတတ်တာတွေ အများကြီးပါ။သိစရာ တတ်စရာ
တွေအားလုံးကို သိမှ တတ်မှ ခေါင်းဆောင်လုပ်ရမှာဆိုရင်တော့ ဘုရားဖြစ်မှ ရလိမ့်မယ်။
ဒါပေမဲ့ အဲဒီတော်ပေ့ တတ်ပေ့ဆိုတဲ့ ပညာရှင်တွေကို လိုအပ်သလို စီမံခန့်ခွဲ ထိန်းကျောင်း
မောင်းနှင်နိုင်ဖို့ဆိုတာ တစ်သောင်းမှာတစ်ယောက် တစ်သိန်းမှာတစ်ယောက်မရှိဘူး။အဲဒီအရည်
အချင်းမျိုး ဒေါ်စုမှာရှိတယ်။
ခေါင်းဆောင်ကောင်းဆိုတာ မလုပ်တတ်တဲ့အရာကို ဘယ်တော့မှကိုယ်တိုင်မလုပ်ဘူး။ လုပ်စရာ
လည်းမလိုဘူး။ ကျွမ်းကျင်တဲ့ပညာရှင်တွေကို စနစ်တကျ ခိုင်းတတ်ဖို့ပဲ လိုတယ်။ ပညာရှင်တွေရဲ့
အကောင်းဆုံးအရည်အချင်းတွေကို ထုတ်ယူအသုံးချတတ်ရမယ်။ ထုတ်ယူအသုံးချပုံခြင်း တူချင်မှ
တူမယ်။ ဒကာတို့ ဘောလုံးလောကနဲ့ပြောမယ်ဆိုရင် မော်ရင်ညိုနဲ့ အာစင်ဝင်းဂါးရဲ့ စီမံခန့်ခွဲမှုမတူသလို၊ ဂွါဒီယိုလာနဲ့ ဖာဂူဆန်ရဲ့ အရည်အချင်းကလည်းတူမှာမဟုတ်ဘူး။
တစ်ခါတစ်ရံမှာ ဒေါ်စုလုပ်တာတွေ ပြောတာတွေကို နားမလည်တာရှိတာပေါ့။ သူများတွေက
ဒေါ်စုလုပ်ရပ်ကိုအပြစ်ပြောနေကြတာတွေလည်းရှိတာပဲ။ ဦးဇင်းကအဲဒါမျိုးဆိုသိပ်စိတ်ဝင်စားတယ်။
" ဒါကို ဘာ့ကြောင့်နားမလည်သလဲ။ ဘာ့ကြောင့်လက်မခံသလဲ။ သူကဘာကိုဆိုလိုချင်တာလဲ။
လူတွေကဘယ်လိုနားလည်နေလို့လဲ။ ဘယ်နေရာလေးမှာလွဲနေသလဲ။ " အဲဒီအချက်ကလေးကို
ရအောင်ရှာတယ်။ တစ်ဦးနဲ့တစ်ဦးကို နားမလည်စေနိုင်တဲ့ စကား၊ လုပ်ရပ်လေးရဲ့ ပွိုင့်ကို သိပ်စိတ်
ဝင်စားတယ်။ကိုယ့်အမြင်က နိမ့်နေရင် မြှင့်ယူတယ်။သိတဲ့သူကိုမေးတယ်။စာအုပ်တွေရှာဖတ်တယ်။
တစ်ခါတစ်ရံ ကိုယ်ကမြင့်နေရင် နှိမ့်ယူပြီး သိအောင်ကြိုးစားတယ်။
သူများတွေမှားတယ်ဆိုတိုင်း ကိုယ်ကလိုက်မမှားနိုင်ဘူး။ သူများတွေကမှန်တယ်ဆိုတိုင်းလည်း
လိုက်မမှန်နိုင်ဘူး။ မတူညီတဲ့ အမြင်တွေကြောင့်ဖြစ်လာတဲ့ ပဋိပက္ခကို level ညှိပြီးသိအောင်ကြိုး
စားတယ်။အဲဒီလိုနားလည်သွားတော့လည်း တစ်ဖက်သားရဲ့လုပ်ရပ်နဲ့ပြောဆိုမှုအပေါ်စောဒကတက်
စရာ ရှာမရပါဘူး။ အဓိကအချက်ကတော့ လူတွေရဲ့ အတွင်းစိတ်မှာဖြစ်တဲ့ အတ္တ နဲ့ မေတ္တာ၊စေတနာ
အနည်းအများကို ခန့်မှန်းပြီး သုံးသပ်ရတာပေါ့လေ။
တို့ဗုဒ္ဓဘာသာမှာ အဓမ္မဝါဒအဖြစ်ဆုံးဖြတ်ထားတဲ့ ဝါဒတွေရှိတယ်။" သူတို့ဘယ်အကြောင်းအရာကို
ဘယ်လိူယူဆ၊ပြောဆို၊ရေးသားလိုက်လို့ အဓမ္မအဖြစ်ဆုံးဖြတ်သလဲ။ သူတို့က ဘာ့ကြောင့်အဲသလို
ယူဆသလဲ။ဘယ်နေရာလေးမှာလွဲသွားသလဲ။" ဆိုတဲ့အချက်ဟာသိပ်စိတ်ဝင်စားစရာကောင်းတယ်။
အဲဒီအဖြေကို သိသွားရင် ပြဿနာကပြီးသွားတာပဲ။စောဒကတက်စရာမရှိတော့ဘူး။
ခုလောလောဆယ် တို့မြန်မာနိုင်ငံရဲ့ အခြေအနေကို အကောင်းဆုံးစီမံခန့်ခွဲဖို့ဆိုတာ စာတတ်ရုံနဲ့
မရသလို၊ ပညာရပ်တစ်ခုကို တစ်ဖက်ကမ်းခတ်တတ်နေရုံနဲ့လည်းမရဘူး။ ကမ္ဘာ့အင်အားကြီး နိုင်ငံ
တွေရဲ့ ယှဉ်ပြိုင်မှုတွေအကြားမှာ အကြွေးတွေတောင်လိုပုံ၊ ပြဿနာပေါင်း သောင်းခြောက်ထောင်နဲ့
ပြန်ဆပ်ဖို့ နေနေသာသာ စားဖို့မှအနိုင်နိုင်။ ယိုင်နဲ့နေတဲ့စီးပွားရေးနဲ့ ကိုယ်ကျိုးရှာအတ္တသမားတွေရဲ့
အကြား အပြင်းဖျားနေတဲ့ လူနာကိုဆေးကုနေရသလို၊ လူနာရှင်က လော။ လူနာက မောနဲ့။တွေး
ကြည့်တာနဲ့တင် ဆံပင်ဖြူချင်တယ်။
ဒီလို တိုင်းပြည်မျိုးကို အများလက်ခံအောင် စီမံခန့်ခွဲနိုင်ဖို့ ဦးဇင်းကတော့ ဒီတစ်သက်မပြောနဲ့
ဆယ်သက်ကြိုးစားတောင်ရမှာမဟုတ်ဘူး။ လုပ်လည်းမလုပ်နိုင်ဘူး။ လုပ်လည်းမလုပ်ချင်ဘူး။
နိုင်ငံရေးအမြင်၊ စီးပွားရေးအမြင်မှာ တို့သိတယ် မြင်တယ်ဆိုတာ အသေးအဖွဲလေးပါ။ ပြဿနာ
တွေနဲ့ လူမျိုးစုံစုပေါင်းနေထိုင်တဲ့ ဒီလိုတိုင်းပြည်မပြောနဲ့ ကိုယ်ပိုင်ကျောင်းတိုက်တစ်ခုကိုတောင်
စနစ်တကျ စီမံခန့်ခွဲဖို့မလွယ်ဘူး။ ပါးစပ်ပြောကတော့လွယ်တာပေါ့။ မြန်မာလူမျိုးတွေက တကယ့်
လက်တွေ့မှာသာ ဘာမှမဟုတ်တာ ပါးစပ်ပြောကတော့ ပညာရှိတွေချည်းပဲ။
ဒေါ်စုရဲ့စီမံခန့်ခွဲမှုတွေက အမျှော်အမြင်ရှိတယ်။ စနစ်ကျတယ်။ပိရိသေသပ်တယ်။ ဘာကြောင့်
ပဲဖြစ်ဖြစ်၊ ဘယ်သူပြောလို့ပဲဖြစ်ဖြစ် ပြာယာမခတ်ဘူး။ တည်ငြိမ်တယ်။ သွေးအေးတယ်။ သတ္တိရှိ
တယ်။ အများနဲ့မဆန့်ကျင်ဘူး။ အမှန်တရားအတွက်ဆို အများနဲ့ဆန့်ကျင်ဖို့လည်းဝန်မလေးဘူး။
ကားသမားလိုပြောရရင် စတီယာရင် နိုင်နင်းတယ်ပေါ့။ အဲဒီလိုလူမျိုးတွေရဲ့လုပ်ရပ်က အင်မတန်
မှားခဲတယ်။ တို့ဉာဏ်မမှီလို့နားမလည်တာပဲရှိမယ်။ အမျိုးမျိုး ဝေဖန်ပြစ်တင်ပြောဆိုကြပေမဲ့
အကျိုးရလာဒ်ထွက်ပေါ်လာတဲ့အခါ အားလုံးကို မှင်တက်မိပြီးပါးစပ်ဟသွားစေတတ်တဲ့သူမျိုး။
ဒေါ်စုလုပ်ရပ်ဟာ မှားတယ်လို့ အကြောင်းအကျိုး ခိုင်ခိုင်မာမာနဲ့ မြင်နိုင်တဲ့သူဟာ ဒေါ်စုထက်
သာတဲ့သူပဲ။ အဲလိုလူမျိုးဖြစ်ချင်တယ်။ အဲလိုလူမျိုးတွေပေါ်စေချင်တယ်။ ကိုယ်ဖြစ်ချင်တာပဲသိပြီး
မှားတယ်လို့ဝေဖန်သုံးသပ်တဲ့သူမျိုးကတော့ ပေါပါတယ်။
ဥပမာ၊ ဦးဇင်းက ရဟန်းဆိုတော့ အတ္တနဲ့ပြောရရင် တစ်နိုင်ငံလုံး တစ်ယောက်မကျန်ဗုဒ္ဓဘာသာ
ဖြစ်၊ တရားဓမ္မတွေကျင့်ကြံပွားများနေထိုင်တဲ့သူတွေချည်းပဲဖြစ်စေချင်တာပေါ့။ ဒေါ်စုကို အဲဒီလိုဖြစ်
အောင်လည်းလုပ်ပေးစေချင်တယ်။ ဒါပေမဲ့ ဒေါ်စုက နိုင်ငံသားအားလုံးကို ဘယ်ဘာသာဝင်ဖြစ်ဖြစ်
တန်းတူအခွင့်အရေးရဖို့ ဆောင်ရွက်မယ်ဆိုရင် ၊ ဦးဇင်းက ဒေါ်စုမှားတယ်လို့ဝေဖန်မှာပေါ့။ ဒါက
ဦးဇင်းရဲ့ အတ္တနဲ့အမြင်ကိုး။
တကယ်လို့ ဦးဇင်းဖြစ်စေချင်သလို ဒေါ်စုကလုပ်ပေးမယ်ဆိုရင်လည်း ဒေါ်စုဟာ အဂတိလိုက်
စားတဲ့ တရားမမျှတတဲ့ ခေါင်းဆောင်ပဲဖြစ်မှာပဲ။အဲဒီလိုနိုင်ငံ့ခေါင်းဆောင်မျိုး မလိုချင်ဘူး။
ဒေါ်စုရဲ့လုပ်ရပ်တွေ၊ အပြောတွေမှာ မှားတာရှာပြီး ဝေဖန်ထောက်ပြချင်တယ်။ ဒါပေမဲ့ နိုင်ငံရဲ့
ခေါင်းဆောင်ကောင်းတစ်ယောက်နေရာကနေ ဝင်ပြီးကြည့်လိုက်ရင် အပြစ်ပြောစရာရှာမတွေ့တော့
ဘူး။ ဘာသာရေး၊ စီးပွားရေး ခေါင်းဆောင်တစ်ယောက်အနေနဲ့ လှမ်းကြည့်ဝေဖန်မယ် ဆိုရင်တော့
ဝေဖန်စရာတွေရှိပါတယ်။ ဒါပေမဲ့သူဟာ စီးပွားရေးသမားတစ်ယောက်မဟုတ်သလို၊ သီလရှင်တစ်ပါး
လည်းမဟုတ်ဘူးလေ။
ဦးဇင်းမဝေဖန်တာက ဒါတွေကြောင့်ပါဒကာ။ နိုင်ငံ့အရေးအနေနဲ့ တိုင်းပြည်အပေါ်မြင်တဲ့အမြင်
မှာ ဒေါ်စုထက်သာတဲ့နေ့ ဝေဖန်ဖြစ်လောက်ပါတယ်။
လေးစားစွာခရက်ဒစ်ပေးပါတယ်..AshinUttama