Ibig kong gunitain ang araw na iyong
kasama ka sa dalampasigan, ngunit
wala akong nakikitang anyo,
malabo, walang buhay, walang saysay!
Gusto ko mang hanapin ang mga
nawawalang panaginip ngunit
walang nakaimbak kahit isa sa aking
mga nanlulumong alaala!
Saan ko hahanapin ang gunitang iyon,
samantalang abala ang tadhanang
burahin ang aking buhay sa aking alaala.
Malamig ang gunita, gunita'y malamig!