Ako'y nagsimulang maglakbay upang samahan si @shikika sa pagtungo sa dako paroon. Walang nakakaalam kung saan ito ngunit ako'y sumama upang madiskubre kung paano nga ba makapunta roon.
Sa aking paglalakbay aking nasilayan ang isang bulaklak. Ang pangalan ng bulaklak na ito ay Rafflesia Irigaense. Ang Rafflesia ay isang uri ng parasitikong halamang namumulaklak. Ang bulaklak na ito ay ang isa sa sikat sa bundok na ito.
Ang bundok na ito ay tinatawag na Mt. Asog. Maganda ito sa malayuan, ngunit kapag ito'y iyong nilapitan makikita ang pangit na katotohanang unti-unting nakakalbo ang bundok na ito. Ito ang resulta ng pagkakaingin at walang pakundangang pagpuputol ng mga punongkahoy.
Marahil ito ang dahilan kung bakit madalas na ang pagbaha sa baba ng kabundukan. Madalas na din ang pagguho ng mga lupa. Nakakaawang inang kalikasan. Nakakaawa ang susunod na henerasyon kung hindi ito aaksyunan at pangangalagaan. Napakalungkot na sa kabila ng lahat, may mga tao pa ding bumababoy sa ating mahal na kalikasan.
Habang ako'y naglalakad-lakad at tinitingnan kung gaano na kalaki ang pinsala na nagawa ng mga tao, aking nadaanan ang grupo ng kabataan. Kabataang may dala-dalang munting punongkahoy. Aking tinanong, " Neng, saan kayo pupunta? At bakit may dala kayong mga punongkahoy?" Ang sagot sa akin, " Nakikita nyo po ba ang ating kabundukan? Unti- unti nang nasisira, nagdudulot ng pagbaha at ang mga lupa'y gumuguho sa kadahilanang wala ng makapitan na ugat ang lupa. Gagawin namin ito upang malunasan na kaagad ang problemang kinakaharap ng ating bayan. Kami'y magtatanim ng mga punongkahoy, kapalit ng mga pinutol nila." Ako'y nagalak sa aking narinig, sa kanilang murang isip ito'y kanila ng nabatid. Mga kabataang may malasakit ang kailangan ng ating Inang Kalikasan.
Sa paghahanap sa Dako Paroon iyong makikita ang kagandahan ng ating Mundo, ngunit iyo ding makikita ang problemang dulot ng tao sa ating kalikasan. Nakakalungkot na sa kabila ng lahat na ibinigay sa atin ng Inang Kalikasan, nasisira at napapabayaan pa din ito. Kaya dapat pangalagaan bago pa mahuli ang lahat. Ating mga anak ang sya rin naman magmamana.
Ang mga larawang nakalakip ay kuha sa aking mahal na bayan Iriga City, Camarines Sur. Marahil ay unti-unti na ring nagigising ang namamahala sa aming bayan dahil sa pagbabaha at landslide na nararanasan ng mga mamamayan. May ibang grupo na nagsasagawa na din ng proyektong pagtatanim ng mga punongkahoy.
Tara! Ating samahan ang paglalakbay ni @shikika papunta sa dako paroon. Nauna nang sumama sa paglalakbay sina @sunnylife, @jennybeans, at si @yennarido.
Evony
@lunamystica
April 23, 2018
I would like to thank @iwrite for mentoring me and for his patience. I am very blessed and thankful to have him as my mentor. To my @steemitdiversify family thank you for all the support.
Please cast your vote for @surpassinggoogle as a witness. Visit https://steemit.com/~witnesses and type in "steemgigs" in the first search box.
To give him your witness voting decision, visit https://steemit.com/~witnesses and type in "surpassinggoogle" in the second box as a proxy.
Other recommended witness: @beanz @curie @teamsteem @acidyo @reggaemuffin @utopian-io @good-karma @blocktrades @timcliff @hr1 @cloh76.witness @busy.org @precise @arcange @jerrybanfield @jesta @anomadsoul @henry-gant and @paradise-found
