RASEUKI
Assalamualaikum saleum ulon bri
Ulon ci rawi panton lon hayak
Judul lon layang teuntang RASEUKI
Rahmat Allah bri yang po keuheundak
Ijo kaye glee tangke meuputi
Timoh meuriti cukop meuramphak
Meubeda cara meurumpok RASEUKI
Urat meunari tapak jitem jak
Ladom dilaot ngon bot geukoh ie
Sinan RASEUKI gob nyan meusawak
Ladom dalam blang bak bawang campli
Ladom bak seni suara lagak
Ladom mita seudeukah bak warong kupi
Na cit hay akhi baa moto becak
Ladom jak meuranto lua negeri
Demi sinyak ti mita meuh meucak
Hana tatupat pat diduk RASEUKI
Maka hai akhi usaha yu grak
Tip yang meunyawong peuneujeut rabbi
Kana RASEUKI mandum meu phak-phak
Troh bak glang tanoh leumoh ta eu hi
Tapi RASEUKI diteumeung lantak
Pat-pat yang taduk langkah RASEUKI
Nibak Ilahi nyan ka meudum hak
Asai yang haleu ken hasil judi
Ken cit korupsi hasil peng rakyak
Peulom jameun now maju tehnologi
Mita RASEUKI kiban yang galak
Bek panyang that ulon meurawi
Enteuk hay abi ka hana lagakk
Meunyo na salah meuah beu neubi
Yang bek neu caci wahe oe bapak
Karya : Ahadi PJ, Banda Aceh 3 mei 2018
RE: KONTES MEUPANTOEN DALAM BAHASA ACEH #9 | Pengumuman Kontes 8