မင်္ဂလာပါခင်ဗျာ Marchလရဲ့နေကတော်တော်ပူတယ်ဗျ ကျွန်တော် ဆိုင်မှာပြုပြင်စရာဆိုင်ကယ်တစ်စီးပဲကျန်တော့တာနဲ့ကျွန်တော် တပည့်လေးကိုလွဲထားပြီး မနက်ထဲက သိပ်မထိုင်ဖြစ်သေးတဲ့ ဆိုင်ခန်းကျဉ်းကျဉ်းလေးထဲက ထိုင်ခုံလေးမှာ ကျွန်တော် ခဏနားနေမိတယ်ဗျာ ခဏလေးပါပဲဗျာ အညောင်းမပြေခင်မှာပဲ ကျွန်တော်နဲ့ရွယ်တူ အကိုနှစ်ယောက် သူတို့ရဲ့ဆိုင်ကယ်တစ်စီးပြင်ဘို့ရောက်လာတယ်ဗျ သူတို့နှစ်ယောက်ဆိုင်ထဲဝင်လာတယ်ဆိုရင်ပဲ ကျွန်တော်သတိထားမိလိုက်တယ်ဗျ သူတို့နှစ်ယောက် ယမကာမှီဝဲလာပုံရတယ် တစ်ယောက်ကတော့တော်တော်လေးမူးနေတယ် အဲ မူးနေတဲ့တစ်ယောက်ကပဲ ဆိုင်ကယ်ကိုမောင်းလာတာဗျ
အဲဒါနဲ့ကျွန်တော်ထိုင်ရာကထပြီး ”ဘာဖြစ်လို့လဲ အကို ဘာကူညီပေးရမလဲလို့” ကျွန်တော်မေးလိုက်ပါတယ် ”ခြေတင်တန်း မူလီနှစ်လုံးတပ်ချင်လို့” လို့ပြောပါတယ် ။
”ရတယ်အကို ကျွန်တော်လုပ်ပေးပါမယ် အကိုတို့ဘယ်ကမောင်းလာတာလဲလို့”မေးလိုက်မိတယ်ဗျာ သူပြောတဲ့ရွာနာမည်ကိုကျွန်တော်ကြားကြားချင်းစဉ်းစားမိတာတစ်ခုရှိသွားတယ် ကျွန်တော်တို့မြို့နဲ့ဆို ၄မိုင်လောက်ဝေးတဲ့ရွာလေးပေါ့ ဒီလိုနေပူပူနဲ့ နေ့လည်ခင်းကြီး ဆိုင်ကယ်ကို ၄မိုင် လောက်မောင်းလာရင် ဒီဆိုင်ကယ်အင်ဂျင် တော်တော်လေးပူနေပြီ မတော်တဆ အောက်ဘက်ကိုကိုင်ရင်းနဲ့ အပူတွေဘာတွေလောင်သွားတတ်တယ်လေ အရေခွံတွေလန်သွားတတ်တယ် အဲဒါကြောင့် ”အကိုတို့ခဏလေးထိုင်ကြပါဦး ဗျာ ဆိုင်ကယ်အင်ဂျင်ကတော်တော်ပူနေမှာ နည်းနည်းလေးအေးသွားရင် ကျွန်တော်လုပ်ပေးပါ့မယ် ခဏလေးတော့ထိုင်စောင့်ပေးပါ” လို့ပြောမိလိုက်တယ်ဗျာ အဲမှာဇာတ်လမ်းကစတာပဲ အရမ်မူးနေတဲ့ အကိုတစ်ယောက်က ”မရဘူး အခုလုပ်ပေး ငါတို့သွားစရာရှိတယ် အချိန်မရဘူး”တဲ့ဗျာ စဉ်းစားကြည့်ကြပေတော့ ဒီလိုပူပူလောလောကြီးကျွန်တော်မကိုင်ရဲဘူးလေ ကျွန်တော်တောင်မကိုင်ရဲတာ ကျွန်တော် တပည့်လေးကို ”ဟေ့ကောင်ညီလေး မင်းလုပ်ပေးလိုက်ကွာ” ဆိုပြီး အေးအေးဆေးဆေးပြန်ထိုင်နေလို့ရတယ်လေ ကိုယ်တောင်ပူလို့မကိုင်ချင်တာ သူလည်းဘယ်ကိုင်ချင်ပါမလဲ အဲဒါကြောင့်”အကိုရေ အကိုဆိုင်ကယ်အင်ဂျင်ကတော်တော်ပူနေတယ်လေ အခုလုပ်လို့အဆင်မပြေဘူး ၅ မီနစ်လောက်ဆို နည်းနည်းအေးသွားပြီဆိုလုပ်ပေးလို့ရပါတယ် အေးဆေးပေါ့ မကြာပါဘူး ဆန္ဒတွေမစောပါနဲ့” တရင်းတနှီးပဲကျွန်တော်ပြောမိတယ်ဗျာ
ကိုယ့်အခက်အခဲနဲ့စေတနာကိုနားလည်းသွားလို့လားမသိဘူးဗျ ”မရရင်မလုပ်ဘူးကွာ”ဆိုပြီးထွက်သွားပါလေရောဗျာ အဲ သိပ်မူးပုံမပေါက်တဲ့တစ်ယောက်ကတော့ နောက်ဘက်ကနေ တိတ်တိတ်လေး.တောင်းပန်ရှာပါတယ် အင်ဂျင်တအားပူနေတဲ့အချိန်မှာ မူလီရစ်လိုက်ရင် သထ္ထုကိုယ်ထည်ဖြစ်တဲ့အတွတ်မူလီအရစ်နာသွားတတ်တဲ့အကြောင်းတော့ထပ်မရှင်းပြဖြစ်တော့ပါဘူး တော့ကြာ အရစ်ရှည်တယ်ထင်ပြီးလက်သီးနဲ့ထိုးသွားမှဖြင့် စိတ်တော့ဆိုးသွားပုံရတယ်ဗျ မတတ်နိုင်ဘူးလေ ။
လူတစ်ဦးနဲ့တစ်ဦး ”ငါပိုက်ဆံပေးခိုင်းတာပဲ ငါခိုင်းတဲ့အချိန်မင်းလုပ်ပေးရမှာပေါ့”ဆိုတဲ့ ခပ်ပေါ့ပေါ့အတွေးမျိုး ခုခေါတ်ကြီးမှာ မရှိသင့်တော့ဘူးထင်တာပဲ အရာရာကိုငွေနဲ့နှိုင်းလို့မရဘူးလေ ငွေနဲ့နှိုင်လို့မရတဲ့အရာတွေရှိတယ် ဆိုပါဆို့ဗျာ ကျွန်တော်ဖြစ်ဖြစ် ကျွန်တော် တပည့်လေးကဖြစ်ဖြစ် လုပ်ပေးလိုက်ပြီဆိုပါဆို ကိုယ်အပူမလောင်အောင်တော့ လုပ်ရမှာပဲလေ အဲအချိန်မူလီရစ်တည့်တာတွေ စောင်းတာတွေမကြည့်တော့ဘူး ခိုင်ရင်ပြီးရောလုပ်ပေးမှာပဲ အရစ်မတည့်ပဲစောင်းနေတဲ့အခါမျိုးနဲ့ကြုံသွားရင် သူ့ဆိုင်ကယ်အတွက် နောက်မကောင်းတော့ဘူးလေ ကြာလာရင်ပိုဆိုးလာမယ် ဟုတ်ဘူးလား ဗျာ ။
ကိုယ်ကစေတနာနဲ့ပါ သူကတော့ ကိုယ့်ကို ဝေဒနာတစ်ဝတ် နဲ့ အတွေးတစ်ဝက် ပေးသွားခဲ့တယ် ကျေးဇူးတင်ပါတယ် အကို နောက်လည်းဖြစ်နိုင်ရင် မမူးတဲ့အချိန်ပြန်ဆုံချင်ပါသေးရဲ့ ဒီအဖြစ်အပျက်လေးကို ပြန်ရှင်းပြချင်လို့ပါ ကျွန်တော်ရဲ့စေတနာကို အသိအမှတ်မပြုချင်နေပါ ဒီလိုလေးတွေရှိတတ်ပါလားဆိုတဲ့ အတွေးလေး သိသွားရင်တော်ပါပြီ ။
ဒီစာကိုဖတ်ဖြစ်တဲ့သူငယ်ချင်းများလည်း နားလည်လိမ့်မယ်လို့ထင်ပါတယ် မင်္ဂလာပါခင်ဗျာ March လရဲ့ နေကတော်တော်ပူတယ်ဗျ…… သာယာကြပါစေ ။...။