သင်ဟာ မိဘတစ်ယောက်(ဒါမှမဟုတ်)ကလေးတွေနဲ့ အလုပ် လုပ်နေရသူဆိုလျှင် ကလေးတွေမှာ ဖြစ်တက်တဲ့ စိတ်ခံစားမှုကို သိထားသင့်ပါတယ်။နားလည်ထားသင့်ပါတယ်။ဘာကြောင့်လဲဆိုတော့ ကလေးတွေရဲ့ ဦးနှောက်ဟာ နုနယ်သေးသလို ပတ်ဝန်းကျင်ကို အစဥိအမြဲသင်ယူနေကြလို့ပဲဖြစ်ပါတယ်။အဲဒီလို သင်ယူနေတဲ့ကလေးတွေရဲ့စိတ်ကို လိုရာပုံစံပြောင်းပေးလို့ရပါတယ်။အဲဒီလိုပြောင်းတဲ့အခါမှာ ကလေးငယ်တွေကို ပြုစုစောင့်ရှောက်သူတွေအနေနဲ့ သိထားရမယ့်အကြောင်းလေတွေရှိပါတယ်။
ဘယ်လိုအကြောင်းအရာတွေကို သိထားရမလဲဆိုတော့ ကလေးတွေဟာ သူတို့ပတ်ဝန်းကျင်မှာဖြစ်နေတဲ့ သင်ယူစရာ အတုယူစရာမှန်သမျှကို သင်ယူနေ အတုယူနေကြတဲ့အတွက်ကြောင့် ဖြစ်ပါတယ်။ကလေးတွေဟာ အသိဥာဏ်ဖွံ့ဖြိုးမှု အားနည်းတာ ဗဟုသုတနည်းပါးတာတို့ကြောင့် သူတို့ပတ်ဝန်းကျင်မှာ ဖြစ်နေတဲ့ဖြစ်စဉ်တိုင်းကို အမှားအမှန် ဝေဖန်ပိုင်းခြားနိုင်စွမ်း မရှိပါ။အဲဒီလို ဝေဖန်ပိုင်းခြားနိုင်စွမ်းမရှိတဲ့ ကလေးတွေကို ပြုစုစောင့်ရှောက်ပေးသူတို့က သင်ယူတာမမှားအောင် အတုယူမမှားအောင် လမ်းညွှန်ပြသပေးရပါမယ်။အဲဒီလို လမ်းညွှန်ပြသတာဟာ ကလေးတွေရဲ့စိတ်ကို လမ်းမှန်သို့ တည့်မတ်ပေးရာလဲ ရောက်ပါတယ်။
ကလေးတွေကို လမ်းမှန်ရောက်အောင်ဆောင်ရွက်ပေးတာဟာလည်း ကလေးတွေရဲ့ အတွင်းစိတ်မှာဖြစ်နေတဲ့စိတ်ခံစားမှုကို ပိုမိုပေါ်လွင်စေပါတယ်။ကလေးတွေရဲ့ စိတ်ခံစားမှုတွေ ပေါ်လွင်လာပြီးဆိုရင် ကလေးတွေဟာ ကိုယ့်အားကိုယ်ကိုးစိတ် ဖြစ်လာဖို့အတွက် နိဒါန်းပျိူးတာလို့ ခေါ်ဆိုနိုင်ပါတယ်။အကြောင်းမှာ အဲဒီကလေးတွေဟာ သူတိုရဲ့စိတ်ခံစားမှုပေါ်မှာ မူတည်ပြီး ဖြစ်ပေါ်လာတဲ့ ပတ်ဝန်းကျင်အခြေအနေမှာ သင့်တင့်လျောက်ပတ်အောင် နေထိုင်တက်ကြတာကြောင့်ဖြစ်ပါတယ်။
ကလေးတစ်ယောက်ဟာ လူကြီးတစ်ယောက်လို သန်သန်မာမာ လျင်လျင်မြန်မြန် သွားနိုင်လာနိုင်မရှိပေးမယ့် သူတို့နဲ့မျှတတဲ့ သူတို့မှာရှိတဲ့ခွန်အားတွေကို အသုံးပြုပြီး သန်သန်မာမာလူတစ်ယောက်လို သွားချင်လာချင်ကြပါတယ်။ဒါဟာ ကလေးတွေရဲ့ ပထမဆုံး ပတ်ဝန်းကျင်မှာ သင်ယူလိုက်တဲ့အသိပဲဖြစ်ပါတယ်။ကလေးတွေဟာ အဲဒီလိုအသိမှာတင် ရပ်တန့်မနေဘဲ သူတို့ဦးနှောက်ရဲ့ ဖွံဖြိုးမှုနှင့်အညီ သူတို့အသိကို ထပ်ဆင့်တိုးအတုခိုးပြီး လုပ်လာကြပါတယ်။အဲဒီလို ပြုမူလုပ်တဲ့အခါ ကလေးတွေဟာ သူတို့ရဲ့ စိတ်ဆန္ဒအတိုင်း သူတို့ဖြစ်ချင်တာကို လုပ်ဆောင်ကြပါတယ်။
အသိဥာဏ်ဖွံ့ဖြိုမှု မရင့်သန်သေးတဲ့ သူတို့အရွာ်ကလေးတွေဟာ ဘာကိုမှ တွေးတော စဉ်းစားမနေဘဲ စိတ်ထင်တိုင်း ပြုလုပ်တက်ကြတ်ာဆိုတော့။ကလေးတစ်ယောက်ဟာ ကလေးအချင်ချင် ဆော့ကစားစရာက အမှတ်မထင်ချော်လဲသွားပါလိမ့်မယ်။အဲဒီလိုချော်လဲသွားတဲ့အခါ ကလေးရဲ့စိတ်ဟာ ဘေးပတ်ဝန်ကျင်းရဲ့အားရုံစူးစိုက်မှုကို တစ်ခဏချင် ရှာလိုက်တက်ပါတယ်။အဲဒီလိုရှာတန်အခိုက်အတန့်မှာ သူချော်လဲခြင်းအပေါ် အာရုံစူးစိုက်မှုမရှိတာကို သိသွားမယ်။အဲဒီလိုသိသိချင်း အဲဒီကလေးဟာအတွေးတစ်ခုကို ချက်ချင်းသိလိုက်တယ်။ဘယ်လိုသိသလဲဆိုတော့' သြော်ငါဒီလိုချော်လဲတာဟာ ဘယ်သူမှလုပ်လို့မဟုတ်ဘူး။ငါကိုယ်တိုင်လုပ်လို့ဒီလိုမျိူးဖြစ်တာ။ငါမငိုဘူး။ငါလဲရင်ပြန်ထမယ်'လို့သိသွားတယ်။အဲဒီအချိန်မိဘ (ဒါမမဟုတ်)ကလေးတွေ ပြုစုစောင့်ရှောက်ပေးသူတစ်ယောက်' အမလေးလုပ်ကြပါဦး။ကလေးနာသွားပြီး'ဟူ၍ ထိတ်ထိတ်ပျာပျာနဲပ ကလေးဆီပြေးသွားမယ်။အဲဒီလို ထိတ်ထိတ်ပျာပျာဖြစ်တာကို သူ့အပေါ်အာရုံစူးစိုက်မှုရှာနေတဲ့ ကလေးဟာ တွေ့လိုက်တဲ့အခါမှာ စောစောတုန်ကသူတွေးထားတဲ့ ကိုယ့်အားကိုယ်ကိုးချင်တဲ့စိတ်ဟာ ကြက်ပျောက်ငှက်ပျောက် ပျောက်သလိုဖြစ်သွားပြီး အဲဒီစိတ်နေရာမှာ သူတစ်ပါးကို အားကိုးလိုစိတ်က ချက်ချင်းဆိုလို အစားထိုးဝင်ရောက်လာပါတော့တယ်။အဲဒီလိုဝင်ရောက်လာတာနဲ့ ဒီကလေးဟာကိုယ့်အားကိုယ်ကိုးချင်တဲ့စိတ်ကို မဆုံးရှုံးသင့်ဘဲ ဆုံးရှုံးလိုက်ရပါလိမ့်မယ်။
MSC-112
written by @khaylay
photo from google image