တောင်ထိပ်ရောက်ချင်ရင်တောင်ပေါ်ကိုမော့မကြည့်နဲ့။
တလောက ကျနော့်ရဲ့၆နှစ်အရွယ်မြေးမလေးဟာ အိမ်စာလုပ်ဖို့ပျင်းနေတယ်။ တရုတ်စာသင်တဲ့ဆရာမပေးထားတဲ့အိမ်စာပါ။ အိမ်စာဘာလို့မလုပ်ချင်တာလဲလို့မေးတော့ တရုတ်စာလုံးတွေကို ဗလာစာအုပ်မှာ (၈)မျက်နှာစာ တရုပ်စာလုံးတွေရေးခိုင်းတာကို ကြည့်ပြီး စာလုံးအများကြီးရေးရမှာမို့ မလုပ်ချင်နေတာပါ။ ကျနော်က သူ့အနားမှာထိုင်ပြီး အဲဒီစာမျက်နှာတွေကို ကြည့်မနေနဲ့။ စပြီးရေးချလိုက်လို့ပြောလိုက်တယ်။ ကလေးက စာလုံးတွေစရေးပါတယ်။ ခနနေတော့ "ဟာ စာလုံးရေးတာ(၃)ကြောင်းတောင်ပြီးသွားပြီဟ"လို့ပြောလိုက်တော့ ကလေးမျက်နှာဟာ ဝင်းလက်သွားပြီး အားတက်သွားတယ်။ ခနနေပြန်တော့ "ဟာ တမျက်နှာကြီးတောင်ပြီးသွားပြီပဲ။ တော်လိုက်တာ။ နားအုံးမလား"ဆိုတော့ မနားဘူး။ ဆက်ရေးမယ်တဲ့။ ရေးပြီးသွားတဲ့စာတမျက်နှာကို ကြည့်ရင်းပျော်သွားလို့ နောက်ဆက်ရေးတယ်။ ၂မျက်နှာပြီးသွားပြီ။ နားပါအုံးဆိုတာတောင် မနားပဲ ဆက်ရေးလိုက်တယ်။ တနာရီအကြာမှာ စာမျက်နှာ(၈)မျက်နှာလုံးမှာ တရုတ်စာလုံးတွေရေးပြီးသွားတယ်။ ကလေးဟာ အတော်ပျော်သွားပြီ။
ကျနော် တလောက အင်္ဂလိပ်စာအုပ်တအုပ်ကို ဖတ်ပြီးကြိုက်တာနဲ့ ဘာသာပြန်ရေးဖို့စိတ်ကူးတယ်။ စာအုပ်ကအတော်ထူတယ်။ စာမျက်နှာပေါင်း (၃၀၀) ကျော်တယ်။ စာရေးဖို့ စိတ်ကူးလိုက်တိုင်း အဲဒီစာအုပ်ကို လှန်လှောကြည့်ပြီး ဒီစာအုပ်ကိုပြီးအောင်ရေးဖို့ အချိန်အမျာကြီးပေးရမယ်။ ဘယ်လောက်ကြာမလဲစတာတွေတွက်ချက်ကြည့်တယ်။ အချိန်အရမ်းကြာမယ်ဆိုတာသိလို့ စိတ်မောနေတယ်။. ဒါနဲ့ အချိန်တပါတ်လောက်ကြာသွားတယ်။ မရေးဖြစ်ဘူး။ နောက်ဆုံးတော့ အချိန်ဘယ်လောက်ကြာကြာအရေးမစိုက်တော့ဘူးဆိုပြီး စာစရေးတယ်။ ပထမနေ့မှာ(၂)မျက်နှာပြီးသွားတယ်။ (၂)မျက်နှာကြီးတောင်ပြီးသွားပြီပဲဆိုပြီး အားတက်သွားတယ်။ နောက်တရက်ဆက်ရေးတယ်။ နောက်ထပ်(၅)မျက်နှာပြီးသွားပြီ။ ဘယ်တော့ပြီးမှာလဲဆိုတာ မတွေးတော့ဘူး။ အခုရေးရင်းနဲ့ စာအုပ်တဝက်ကို ဘာသာပြန်ပြီးသွားပြီ။ အားတက်သွားပြီ။ ဆက်ရေးမည်။ မကြာခင်တအုပ်လုံးရေးပြီးတော့မယ်။
အပေါ်ကရေးတဲ့အကြောင်းအရာလေး(၂)ခုဟာ ဘာသင်ခန်းစာပေးသလဲဆိုရင်....
အလုပ်တခုလုပ်မယ်ဆိုရင် ဒီအလုပ်ဟာအကြီးကြီးပဲ။ ပြီးအောင်လုပ်နိုင်ပါ့မလားလို့ တွေးပူမနေပါနဲ့။ အဲဒီလိုတွေးနေရင် လုပ်ဖြစ်တော့မှာ မဟုတ်ဘူး။ စပြီးလုပ်လိုက်ပါ။ လုပ်ရင်းနဲ့ လုပ်ပြီးခဲ့သမျှကိုပြန်ကြည့်ရင်း အားတက်လာလိမ့်မယ်။ အားတက်လို့ ဆက်လုပ်ရင်းနဲ့ နောက်ဆုံးပြီးအောင်လုပ်နိုင်လိမ့်မယ်။ ပြီးမယ်မထင်ထားတဲ့အလုပ်ကြီးပြီးသွားလိမ့်မယ်။
ထိုနည်းတူ စာအုပ်ကောင်းတအုပ်ဖတ်ဖို့ စာအုပ်ကြီးကလဲထူလိုက်တာ။ စာမျက်နှာတွေကလဲ အများကြီးပဲဆိုပြီး စာဖတ်ဖို့တွန့်ဆုတ်မနေပါနဲ့။ စာမျက်နှာဘယ်လောက်ရှိတယ်ဆိုတာ မစဉ်းစားပဲ တနေ့ရသလောက်လေး နဲနဲချင်းဖတ်သွားပါ။ စိတ်ဝင်စားစွာဖတ်ရင်းနဲ့ မကြာခင်စာအုပ်တအုပ်လုံးကိုဖတ်လို့ပြီးသွားမှာပါ။
တောင်ထိပ်ကို တက်ချင်ရင် တောင်ပေါ်ကို မော့မကြည့်ပါနဲ့။ ခြေတလှမ်းစလှမ်းလိုက်ပါ။ ပထမဆုံးခြေလှမ်းဟာ လှမ်းဖို့အခက်ဆုံးပါ။ ပထမခြေလှမ်းလှမ်းပြီးသွားရင် နောက်ခြေလှမ်းတွေ သူ့အလိုလိုလိုက်ပါလာပါလိမ့်မယ်။ အပေါ်နဲနဲ ရောက်ရင် အောက်ကို ငုံ့ကြည့်လိုက်ပါ။ ငါ အပေါ်ကို အတော်ရောက်လာပြီပဲဆိုတဲ့ပီတိနဲ့ ခြေလှမ်းတွေဆက်လှမ်းလိုက်ပါ။ မလွဲမသွေ တောင်ထိပ်ကိုရောက်ပါလိမ့်မယ်။ ဒါဟာ အောင်မြင်သူတွေရဲ့နည်းလမ်းလေးတခုပါ။
credit- **
ဗန်းမော်သိန်းဖေ