كاتخاف تبدا و تفشل .. كاتخاف تفشل و يستهزؤا بك
ديما مني كاتبغي تلونصا فشي بروجي كاتحس بواحد الاحساس في داخل ديالك كيخنفقك كاتحس بالخوف بالشك وعدم الثقة باش تكمل وللاسف باش تخلص من هاذشي كاتقرر تخلا على كلشي !! و تكمل حياتك عادي تعيش عادي و تموت عادي !!! بزاااف كيصحاب ليهم الخوف شي حاجة سلبية ولكن لا بالعكس فينما تبغي تبدا شي حاجة و يجيك الخوف عرف أن ديك الحاجة هي لي خاصك طور هي لي خاصك تخدم عليها .. كاتخاف تهدر قدام بزاف ديال ناس ولا تلقي شي عرض ؟ كاتخاف تمشي لشي بلاصة لي عمرك مشيتي ليها ؟ كاتخاف تبدا فشي حاجة و تفشل ؟ كاتخاف تحط في المسؤولية ؟ كاتخاف تصرف بطبيعتك قدام ناس باش ماتزعجهمش و كاتفضل تصنع و تكون شخص آخر ؟ .......... دونك خصك تجرأ وتقاوم الخوف ديالك و دير أي حاجة كاتخوفك باش طور راسك و تزيد القدام .. عندك خيار واحد ماشي جوج يا إما غاتبقا ديما هربان من اي حاجة كاتخوفك و لا غاتقاوم هاذ الخوف ودير أي حاجة كاتخوفك .. ماكينش شي حل آخر !!
تخيل معايا كون كون سطيف جوبز مني جاتو الفكرة يلونصي آبل خاف و رجع لور تخيل كون يوسين بولت تخلا على الهدف انه يحقق رقم قياسي حيت جاه الخوف .... والامثلة كثيرة ...
تعلم دائما مني تبغي دير شي حاجة و يجيك الخوف ماتخليهش يسيطر علك تعلم تكونطرولي الخوف ديالك و تبدا .. ماتخليهش يقنعك بأنك ماغاتقدرش و يدفع باش تخلا على احلامك و اهذافك
خالي الخوف يكون الصديق ديالك لي فينما حسيتي بيه كاين عرف راسك في الطريق الصحيح سينو هرب منو و عيش مرتاح وبقا شخص عادي !
