Noong ika-10 ng Mayo taong kasalukuyan ay una kong inilathala rito sa steemit ang aking nobelang pinamagatang Bitter No More. At dahil isang buwan na nga ang nakalipas simula ng ilipat ko ito sa Steemit, nais kong ipagdiwang ito sa pamamagitan ng pagbibigay ng patimpalak.
Tungkol saan nga ba ang patimpalak nating ito?
Sa mga sumubaybay sa nobelampungan landi na Bitter No More, alam naman nating ang nobelang ito ay tungkol sa pagmo-move on ng bida dahil sa kabiguan sa pag-ibig. At dahil diyan, ito ang magiging alituntunin at krayterya ng ating patimpalak:
MGA ALITUNTUNIN:
- Magsulat ng isang maikling kwento tungkol sa sariling karanasan sa pagkabigo sa pag-ibig at kung paano ka bumangon o nag-move on mula rito.
- Ang patimpalak ay bukas sa lahat ng Pinoy Steemian.
- Ang maikling kwento ay kailangang nakasulat sa wikang Tagalog.
- Ang bilang ng salita ay kailangang naglalaro lamang sa 500 hanggang 1,500 na salita. (Bibilangin ko ang salita gamit ang MS Word at bibigyan ko ng bawas na isang punto kada isang salitang lumagpas sa tamang bilang na ibinigay.)
- Kayo na ang bahala sa pamagat ng inyong maikling kwento, basta ang pangunahing tag na gagamitin ay #magmoveontayo.
- Kung ang larawan na ginamit ay hindi sa inyo, maiging bigyan ng maayos na credit ang pinagkunan nito.
- I-resteem ang post na ito para mas marami pang makakita sa patimpalak na ito.
- I-comment ang link ng inyong entrada sa mismong post na ito.
- Isang entrada lang ang aking tatanggapin sa bawat manunulat na sasali.
KRAYTERYA:
Kaugnayan sa tema – 35%
(Naglalahad ng makatotohanang karanasan sa bigong pag-ibig at pag-momove on.)Emosyon – 30%
(Nakapagbibigay ng emosyon at kahulugan sa mensaheng nais iparamdam o iparating sa mga mambabasa.)Pamamaraan ng Pagsusulat – 20%
(Maayos na pagkakasulat – tamang baybay, balarila, bantas at iba pa. Kawili-wiling paggamit ng mga salita; klaro at may lohika; maayos na pagsasalaysay.)Mensahe – 15%
(May makabuluhang mensahe/moral ang kwento.)
PAGPAPASA
Ang pagtatanggap ng mga entrada ay magsisimula sa pagka-post ng patimpalak na ito hanggang sa ika-17 ng Hunyo, alas onse ng gabi.
Ang mga entradang hindi umabot sa itinakdang palugit ng pagpapasa ay hindi na maaaring tanggapin.
MGA GANTIMPALA:
Unang Gantimpala: 3 SBD
Ikalawang Gantimpala: 2 SBD
Ikatlong Gantimpala: 1 SBD
Sa mga hindi papalaring manalo, magbibigay pa rin ako ng pakunswelo o consolation prize. Dahil lahat ng mga sumusubok ay hindi talunan. Charooot! :D
Paghahatian ng lahat ng kalahok na hindi nakatanggap ng gantimpalang nakasaad sa itaas ang post pay-out ng patimpalak na ito. Sana nga lang ay malaki ang malikom nitong upvote para malaki-laki rin ang paghahatian.
Ang magiging hurado sa patimpalak na ito ay ako mismo. Pero walang dapat na ikabahala dahil hindi po ako biased. :)
Kaya anong pang hinihintay ninyo? Isulat na lang natin ang natamong pagkabigo at mag-move on na lang tayo! :D
