***Kining isturya kay gikan lang sa akong imahinasyon. Wala kiniy labot sa akong experiensya. Gisuwat koni nga isturya para makahatag ug leksyon sa steemians nga dili kita mawagtangan ug paglaom sa pag-abot sa atong mga pangandoy ug kita tanan Pilipino magtinabangay kanunay. ***
Naay usa ka dalagang babaye na ginganlan ug Jasmine. Si Jasmine kay usa ka palaboy nga bata. Usa siya ka but-an ug kugihan nga bata. Ganahan siya makahuman ug eskwela ug makatrabaho. Wala siyay gipuy an nga balay, wala siyay kwarta ug wala siyay ginikanan. Pagpanlimos lang ang ilang pangkinabuhi ug pamaligya ug sigarilyo ug mga kendi. Sa buntag mueskwela siya ug inig human ug eskwela ara siya mubalik ug pampalimos. Nagdako siya nga koyug sa iyang mama. Ang iyang pangandoy lang gayud sa iyang kinabuhi kay makatabang sa mga taw nga pariha niya sa dalan gapuyo ug palaboy.
Naay usa ka pasko nga niabot. Ug si Jasmine kay nagsuroysuroy ug nagsigeg panlimos sa dalan sa may Fuente. Sa iyang linakawlakaw, naay nihunong nga sakyanan sa iyang dapit. Niabli ang bintana sa sakyanan ug gidunolan siya ug pagkaon. Naghilak siya sa pagdawat niya sa pagkaon. Dihang nisturya ang gadunol niya sa pagkaon. 'Inday, pag-ampo ug pagkugi ang susi'.
Sukad adto naninguha si Jasmine ug pangita ug scholarship para sa iyang pag-eskwela sa highschool. Mag-ampo siya kanunay para sa umaabot na mga hagit sa iyang kinabuhi. Nakapangayo siya ug scholarship sa principal sa iyahang giskwelahan. Ang pagkuha ug 90 nga grado ug pagpanarbaho sa gabie ang dapat niyang mabuhat kay mao lang ni ang iyahang mabayad sa principal. Gipanalanginan siya ug nakadawat siya ug scholarship. Nakagraduate siya ug highschool. Nagpadayon gihapon siya sa pagtrabaho para sa principal aron mapadayon ang paghatag sa iyaha ug scholarship taman ig human niyag kolehiyo. Nakagraduate siya ug kolehiyo ingon nga usa ka maistra. Gipili niya ang pagmaestra. Kay ganahan niya i tudlo sa mga bata ang unsay maayong hiyas para maabot ang kalampusan.
Nitake siya ug board exam ug nakapasar siya. Dali siyang ni apply pagkamaistra sa elemtarya. Nagkakwarta siya sa iyang pagtudlo ug iya kining gi tigom. Nadato siya ug nakapalit na ug balay. Nagkasakyanan siya. Natabangan niya ang iyang mama. Nanghatag siya ug mga scholarship para sa mga pobre ug palaboy nga mga bata. Dihang na abot na niya ang iyang pangandoy ug nabuhat na niya ang iyang mga gusto.
Usa ka pasko nagplano siya nga manghatag ug mga pagkaon sa mga nagpuyo sa dalan. Naa siyay nakit an nga babaye nga bata. Iyang gidunolan ug pagkaon ug iyang giingnan nga 'Inday, pag-ampo og pagkugi ang susi'
Mao kini ang akoang entry sa 'Literaturang Filipino' nga giunahan sa @steemph.cebu