Subahanallah wahdahu wabi hamdihi
Khalikul badri wa laili adza wa jalla
Uloen pujoe poe sidroe poe syukur keu rabbi ya aini
Keu kamoe neubri beusuci Aceh mulia
Tajak prang musoh beuruntoeh dum setrei nabi
Nyang meu eungki keu rabbi keu po yang esa
Musoe hantem prang syit malang ceulaka tuboh rugoe roh
Syuruga tan roh reugoe roh balah neuraka
Musoe yang tem prang syit meunang meutuah tuboh
Syuruga that roh yang leusoh neubri keu gata
Lindong gata sigala yang mujahidin mursalin
Jeut-jeut meukim iekulim Aceh Sumatra
Nyang meubahgia sijahtra syahid dalam prang
Allah peulang dendayang beudiadari
Hoka siwa sirawa syahid dalam prang dan seunang
Dipeurap rijang peutamong syuruga tinggi
Budiadari meuriti didong djipandang
Di eu cut abang jak meucang dalam prang sabi
Hoka judo rakan eu syahid dalam prang dan seunang
Dipeurap rijang peutamong syuruga tinggi
Djimat kipaih lah kipaih saboh bak jaroe
Dipreh judo woe ya Allah dalam prang sabi
Syahid di sinan-di sinan diba u dalam-u dalam
Dipeuduk sajan ya Allah ateuh kurusi
Salam alaikum alaikum teungku meutuwah
Katroh neulangkah ya Allah neuwo bak kamoe
Amanah nabi lah nabi hana meu ubah-meu ubah
Syuruga indah ya Allah pahla prang sabi
Ureung syahid ya Allah bek takheun mate
Peuthat pih tan le ya Allah nyawong lam badan
Ban sare keunong lah keunong senjata kaphe lah kaphe
Keunan geujak le ya Allah po muda seudang
Ureung binoe lah binoe geumoe meukiyam
Aneuk jak lam prang peutimang amanah nabi
Meubek ta takot ta surot aneuk senapan bangsawan
Aneuk meuriyam ya Allah ata si Pai
Ija puteh lah puteh geu sampoh darah
Ija mirah ya Allah geu sampoh gaki
Rupajih puteh lah puteh sang-sang buleun trang di awan
Wate ta pandang ya Allah seunang lam hate
Darah nyang hanyi lah hanyi gadoh di badan
Geuboh le Tuhan ya Allah minyeuk kasturi
Dikamoe Aceh lah Aceh darah peujuang-peujuang
Neubri beu meunang ya Allah Aceh mulia
Dikamoe Aceh lah Aceh darah peujuang-peujuang
Neubri beu rijang ya Allah Aceh Merdeka
