Hindi ako naka graduate ng college.
Sa edad na 19 nag-umpisa na akong magtrabaho bilang isang call center agent sa Maynila. Masaya pero mahirap ang lagay sa araw-araw.
Pag nagkakaroon ng tanungan, kung ano ang gusto kong maging trabaho noong hayskul dalawa lang ang sagot ko. Pwedeng medical transcriptionist o kaya naman ay call center agent dahil nadin sa nababalitaan ko noon palang na malaki daw ang sahod pag nag call center ka. Ayaw ko mag nurse, bagama't sa batch namin noon ay naglipana ang mga gustong mag nurse dahil sa laki daw ng sahod abroad, mas pinangarap ko nalang na mag call center.
Sa call center, basta makapasok ka sa trabaho hindi na ganoon ka importante kung mayroon kang degree na natapos ( sa panahon ko) basta hayskul graduate ka at papasa ka sa Ingles na exam ay paniguradong makakapasok ka agad.
Ngunit sa mga nakaraang taon na akoý nasa workforce industry napagtanto ko na mas mabisa parin talaga na mayroon kang diploma na pinaghahawakan.
May mga pagkakataon na nasasabi ko sa aking sarili na sana pala tinapos ko ang eskwela dahil sa mga oportunidad na hindi ko matamasa.
Nagkaroon noon ng mga promosyon sa trabaho, at sympre may mga requirements na kailangan maipasa.
Gusto ko sana ilakad ang promosyon ni Oliver kaso di sya tapos ng college.
Iyan ang isa sa mga nasabi sa akin ng aming bisor, noong nagkaroon kami ng one on one na coaching sa trabaho. Totoo naman, ang mga kasabayan ko noon ay graduate ng kolehiyo, nag masteral atbp. Ngunit dahil narin sa hadlang na iyan ay hindi ako mapili. Ang iba pa sa mga nag-apply sa mataas na posisyon ay ang mga taong tinuturuan ko sa production floor.
Qualified pero hindi.
Hanggang sa hindi na ako naghangad na ma promote dahil dito. Sakto na mayroon akong stable na trabaho sa kumpanya at nagkakaroon ng increase taon-taon.
Palagi ko parin naman sinasabi na gusto kong matapos ang pag-aaral, may mga online classes na ngayon na pwedeng mapasukan ang problema lang ay ang pera. HAHA kailan ba kasi tayo yayaman!
Paiba-iba parin ako ng pag-iisip kung ano ba talaga ang kukunin ko na course eh. Nag try ako mag take ng course ulit sa school. Financial management, isang taon lang ang inabot ko kasi di ko na kinaya ang schedule nang pagiging working student. Pagkatapos ng trabaho ko noon, derecho na ako ng school tapos gabi may pasok ulit. O diba papatayin ang sarili.
Pero ayun na nga, kung may pagkakataon talaga kahit na madiskarte ka, sympre tapusin parin at maka kuha ng diploma dahil sabi nga nila ang kaalaman ay hindi mananakaw kailanman at iyan ay iyong magiging sandata sa kinabukasan.
And I thank you!