Inabot ako ng 6 na oras kahapon ng bumiyahe ako from Dasmariñas, Cavite to Ana de Clara Farm, Punta, Rizal. Umalis ako ng alas-onse ng umaga at dumating ako ng alas-singko ng hapon.
Nakapagrelax naman ako bagamat hindi ako nakapag-swimming kagabi. Naninibago pa ako sa lugar. Siguro, God willing, next time.
Pagkatapos ko magbahagi ng mensahe ukol sa Worship Disorder, agad nagyaya sila Atty. Teylan na umuwi sa Taytay, Rizal. Para hindi ako mahirapan sa biyahe, sumabay na ako. Pagdating sa Antipolo, Rizal, kami ay nananghalian sa Max's restaurant. And then afterward, ibinaba nila ako sa Tikling at ako ay sumakay papuntang Megamall.
Bago kami magkahiwalay nila Atty. Teylan at ng kaniyang husband, binigyan nila ako ng mga tinapay na gawa nila para maipasalubong ko sa aking mga anak, hopia at pandecoco.
Pagdating ko sa Megamall, nanibago ako. Nahirapan akong hanapin ang exit papuntang MRT sa Shaw Boulevard. Hindi agad ako nagtanong sa guard. Naglakad lang ako ng naglakad at paikot-ikot sa Megamall. Nang mapagod ako, doon lang ako nagtanong at tamang-tama dahil malapit na ako sa Supermarket. Sabi ng guard yon daw ang short-cut papuntang MRT Shaw.
Natunton ko naman ang kaso ng aktong papalabas na ako, biglang bumuhos ang ulan at napakalakas ng hangin, parang may bagyo. So halos mahigit kalahating oras akong na-stranded sa Megamall. Hindi ko na hinintay na tumila pa ang ulan. Kinuha ko ang towel sa bag ko at siya kong ginawang proteksiyon sa ulan hanggang makasakay ako ng MRT.
Pagdating ko sa Salitran, nagtext ako kay Edward, my second son na magsaing na at maghahanap na lang ako ng uulamin namin sa Area 1. May ibang options naman ang kaso parang nagsawa na ako sa oily food at yong isang chicken restaurant, parang hindi siya malinis kaya isda ang napili kong ulam. Bumili ako ng 2 pakete ng sinaing at ito ang naging ulam namin sa hapunan.
Nakarating ako ng bahay ng 5 PM at sa pagod ay nakatulog ako. Nagising yata ako ay alas-nuwebe na ng gabi. Pag gising ko, sabi ng anak ko walang Internet dahil kumidlat kaninang alas dos ng hapon, and that's the reason na late na akong nakapag publish ng post na ito. It's good na may data ang cell phone ko at nagamit ko ang mobile hotspot para sa post na ito.
And that's the end of the story ng maiksi kong bakasyon sa Ana de Clara Farm.