ဒီနေ့က မွန်ပြည်နယ်မှာ မိုးဆက်တိုက်ရွာ တာ ၃ ရက်မြောက်နေ့ပါ။
ပုံမှန် မိုးရာသီဆိုရင်ပဲ မွန်ပြည်နယ်က မိုးများလေ့ရှိသလို တစ်ခါရွာရင် ၄ ရက် ၅ ရက် အထိ ရွာတက်ပါတယ်။ ရာသီဥတုကတော့ အတော် အေးအေးလေးနဲ့ ချမ်းစိမ့်စိိမ့်လေး ။ ယမကာ လုလင် စကားနဲ့ ပြောရရင် အားကစားသမား အကြိုက် ရာသီဥတု ဆိုတာမျိုးပေါ့။ဒီလောက်ဆို ဘာဆက်ဖြစ်လာမလည်း ပြောစရာ မလိုလောက်🤣
မနက်ထဲက မဆုံတာကြာပြီဖြစ်တဲ့ သူငယ်ချင်း ကို ဖုန်းဆက်ခေါ်ပြီး လူစုထားတယ် ။ လူစုံရင် သောက်ကြမယ် စကားတွေ ပြောရင်း သူ့အကြောင်း ကိုယ့်အကြောင်း ဟိုဘက်အိမ်က ကောင်မလေး ဆံပင်ကောက်လိုက်တဲ့ အကြောင်း အစ နိုင်ငံရေး စီးပွားရေး အလုံးစုံ သန်ရာသန်ရာ ငြင်းခုံ ပြောဆိုပြီး မအလ ကို ထိုင်ဆဲတာနဲ့ ဝိုင်းသိမ်းနေကြ။ ဒီအတွက် ညနေစောစောထဲက ကြိုတင်ပြင်ဆင်ထားပါတယ်။
ရှယ်ယာ နဲ့ စုစပ် ဝယ်ထားတဲ့ Vodka နစ်လုံးရယ် ၊ ငါးကင်လေးရရ် ၊ ကြက်ကင် နဲ့ စပျစ်သီး ပန်းသီး ဖရဲသီး နည်းနည်း ရယ် ဒီလောက်ပါပဲ။ အဖွဲ့မှာ စားတဲ့ သူက နည်းနည်း စကားများတဲ့ သူတွေပဲဆိုတော့ လုံလောက်မှာပါ 😅မိန်းကလေးလည်း ပါမယ်ဆိုတော့ အသီးတွေ အခွံနွာ မထူမပါးလေး လှီးပြီး ရေခဲပုံးထဲထည့် ကော့တေး လုပ်မယ်ဗျ။
အဲအတွက် Vodka & Sprite ကို ရောစပ်ပြီး ရေခဲနည်းနည်းနဲ့ အအေးခံထားပြီးသား ပုံးထဲ အသီးအနှံတွေထည့် ရောသမ မွှေ ထားရတယ်။ လူစုံ အဆင်သင့်ဖြစ်တာနဲ့ Vodka က အသီးတွေထဲ စိမ့်ဝင်ပြီးသားဖြစ်နေရအောင်ပေါ့။ အဲဒါ ချိုချို မွှေးမွှေးလေးကိုမှ မိုးအေးအေးနဲ့ ..........
ချစ်ခင်လေးစားစွာဖြင့်