Hive မိသားစုများ အားလုံး မင်္ဂလာနံနက်ခင်းပါ။ အားလုံး ကျန်းမာကြပါရဲ့လား။ ဒီကာလမှာ ကိုဗစ် ၁၉ တွေကလည်း တစ်စတစ်စနဲ့ တစ်ကျော့ပြန် အဖြစ်များလာပါတယ်။ ကျွန်မတို့အတွက် ဒီလိုအချိန်မှာ ကျန်းမာနေဖို့ အင်မတန် အရေးကြီးပါတယ်။ ကိုယ်ခန္ဓာ ကျန်းမာနေမှ ခေတ်ပျက်ကြီးရဲ့ သောကဒုက္ခတွေကို ခါးစည်း ခံနိုင်မှာ မဟုတ်ပါလား။
ကျွန်မ ဒီမနက် အိပ်ယာက အစောကြီးနိုးလာပါတယ်။ ပုံမှန် အိပ်ချိန်ထက် ၂နာရီလောက် စောပြီးနိုးနေပါတယ်။ ခန္ဓာကိုယ်က အဆင်မပြေတော့တဲ့ ကျန်းမာရေးချို့ယွင်းချက်ကြောင့် အသိပေးလာတာ ဖြစ်ပါလိမ့်မယ်။ ကျွန်မ အိပ်ယာကနေ ထလိုက်တော့ ခေါင်းတွေ မူးနေပါတယ်။ မျက်နှာသစ်ဖို့အတွက် နံရံတွေကို ကိုင်ပြီး လျှောက်ရပါတယ်။ သွေးတိုးတာ ဒါမှမဟုတ် သွေးကျတာ တစ်ခုခုတော့ ဖြစ်ပါပြီ။
ကျွန်မက သွေးပေါင်ကျရင်ဖြစ်ဖြစ် သွေးတိုးရင် ဖြစ်ဖြစ် ခေါင်းမူးပါတယ်။ ကျွန်မ မသိတာက ကျွန်မကိုယ် ကျွန်မ သွေးတိုးနေလား သွေးကျနေလားဆိုတာကိုပါ။ ဒါကြောင့် ဒီလို ဖြစ်ပြီးဆိုရင် ကျွန်မမှာ သွေးကျဆေး သောက်ရမှာလား သွေးတိုးအောင် လုပ်ရမှာလားဆိုတာ မသိဘူးဖြစ်နေပါတယ်။ အဲ့ဒီ အချိန်တွေဆို ကျွန်မရဲ့ တစ်ခုတည်းသော နည်းလမ်းက Royal သီးစုံ ဓါတ်ဆားသောက်ခြင်းပဲ ဖြစ်ပါတော့တယ်။
ကျွန်မအတွက် တကယ်လည်း သက်သာတဲ့ ဆေးနည်းဖြစ်ပါတယ်။ တခြားဓါတ်ဆားတွေက သွေးတိုးနဲ့ မတည့်တာကြောင့် ကျွန်မ မသောက်ရဲပါဘူး။ ဒါကြောင့် Royal သီးစုံ ဓါတ်ဆားတထုတ်ကို ရေသန့်ဗူးနဲ့ ဖျော်သောက်ပါတယ်။ ဒါကြောင့် Hive Myanmar မိသားစုတွေတွေထဲက ဒီလို သွေးတိုး သွေးကျ ရောဂါ အတွေ့အကြုံရှိရင် နည်းလမ်းလေးတွေ မျှဝေပေးပါလို့ အကူအညီတောင်းချင်ပါတယ်။ နေ့သစ်လေးမှာ ပျော်ရွှင် ကျန်းမာပါစေ။