Cleaning mission.
Cleaning in 29 November 2021 CLEANPLANET .
ယနေ့တော့ ကမ္ဘာကြီးရဲ့ အဓိက ပြဿနာ
ကြွတ်ကြွတ်အိတ် အကြောင်းရေးရပါမည်။
ကမ္ဘာကြီးရဲ့ အဓိက ပြဿနာ ဆိုသည်ထက်
ကျွန်တော်တို့ မြန်မာပြည်၏ အဓိက
ပြဿနာဆိုလည်း ဟုတ်ပေသည်။
နောင်အချိန်မှာ ကြွတ်ကြွတ်အိတ် များ၏
ပြဿနာက အတော်ဒုက္ခရောက်ပေမည်။
မနက်ခင်းဈေးသွား ဝယ်သည့်အခါ
ဈေးခြင်းတောင်းများ အသုံးပြုသည်ကို
တွေ့ရသည်။ ယခုနေသည့်အရပ်က
ဈေးဝယ်သူ အများစုက ဈေးခြင်းတောင်းများ
ကိုင်၍ ဈေးဝယ်သည်ကိုတွေ့ရတာများသည်။
ယခင် ကျွန်တော်တို့နေခဲ့သည့် တိုက်တန်းမှာတော့
စျေးခြင်းတောင်းကိုင်ပြီး ဈေးဝယ်သူအင်မတန်
နည်းပေသည်။ ဈေးခြင်းတောင်း မကိုင်ဆို
တိုက်တန်းအပြင်ထွက်သည်နှင့် ဈေးကို
တန်း ရောက်ပေသည်။ ဆိုတော့ ဈေးနီး၍
စျေးခြင်းတောင်းကို ကိုင်သည့်အလေ့အထပျောက်ဆုံးနေသည်။
ဈေးခြင်းတောင်း ကိုင်သည်ဆိုပါသော်လည်း
ဈေးသည်အများစုက သူတို့၏ရောင်းကုန်ပစ္စည်းများကို ကြွတ်ကြွတ်အိတ်ဖြင့် ထုတ်ပေးသည်က
အကျင့်ဖြစ်နေသည်။ ဂျာအေး သူ့အမေ
ရိုက်နေသလို ဈေးခြင်းတောင်း ပါသော်လည်း
ကြွတ်ကြွတ်အိတ် က သုံးမြဲဖြစ်နေသည်။
ဟော့ ယခုခေတ် ကလေးငယ်မျာ၏ စွန်
လွတ်ခြင်း၊ စွန်ပြုလုပ်သည့်နေရာမှာလည်း
အနှီ ကြွတ်ကြွတ်အိတ် က နေရာယူလာပြန်သည်။
မြေပြင်မှတဆင့် ကောင်းကင်ဆီသို့ ရောက်ရှိလာသော ထို ကြွတ်ကြွတ်အိတ် ၏ အန္တရာယ်က
ကြောက်မက်ဖွယ်ဖြစ်လာသည်။
ထို ကြွတ်ကြွတ်အိတ် က မြေမြှုပ်လို့မရ၊
မီးရှို့ပစ်လို့လည်းမရ အတော်ဒုက္ခများပေသည်။
မြေမြှုပ်ပါက သစ်ပင်စိုက်လို့မရ၊ မြေဆီလွှာ
ပျက်စီးမည်။ မီးရှို့ပါက ထွက်လာသည့်
အငွေ့ကို ရှူရှိုက်မိပါက ကင်ဆာရောဂါ
ဖြစ်တတ်ပေသည်။ အလွယ်တကူကြိုက်နှစ်သက်သော ကျွန်တော်တို့မြန်မာလူမျိုးများနှင့်
ကြွတ်ကြွတ်အိတ် အန္တရာယ်က ကြီးမား
လာပေတော့သည်။
@htwegyi
7-12-2021