ယနေ့ ပိုစ့်တင်ဖို့ နောက်ကျသည်။
မီးကပျက်သည်။ မီးပျက်သည့် အချိန်က များသည်။
မီးလာသည့် အချိန်က နေ့လယ်ဆိုတော့
ဖုန်းအားသွင်းသည့်အခါ ဖုန်းအားမဝင်ပါ။
ရာသီဥတုက ပူတော့ ဖုန်းအားက အပူရှိန်ကြောင့်
ပုံမှန်ကဲ့သို့ အားမဝင်ပါ။
ဆောင်းရာသီမှာ ဖုန်းအားသွင်းဖို့ကောင်းသည်။
နွေရာသီမှာ ဖုန်းအားသွင်းဖို့ ပြဿနာဖြစ်ရသည်။
ဆောင်းရာသီထက် နွေရာသီက မီးပျက်များသည်။
ဖုန်းအားသွင်းပြန်တော့ ပူ၍ အချိန်သာကြာပြီ
အားမဝင်ပေ။ နွေနဲ့တော့ ခက်ပေသည်။
တနေ့က မိတ်ဆွေမိသားစုက အသည်းစွဲတောင်
သို့ သွားသည်။ ကျွန်တော်ပါ လိုက်ပါသွားသည်။
Hive မှာ ပိုစ့်တင်ရန် ကုန်ကြမ်းရရန်အတွက်
လိုက်သွားသည်။
အသည်းစွဲတောင်ဟု အမည်ပေးထားသည်။
လူတဦးဝင်ကြေးကျပ်တစ်ထောင်ဖြစ်သည်။
ကားဝင်ကြေး နှစ်ထောင်နှင့် ကားရပ်နားခ
နှစ်ထောင်ပေးရသည်။ မိုးရာသီမှာ
တောတောင်သဘာဝက စိမ်းစိုပေမည်။
ယခုတော့ နွေရာသီဖြစ်၍ သစ်ပင်တို့က
ခြောက်သွေ့သည်။ မြစ်လား၊ ချောင်းလား
မသိပါ အဆိုပါ အတွင်းသို့ ရေချိုးကူးခတ်
နေကြသည်။ မိသားစု၊ အဖွဲ့အစည်းအလိုက်
ကားများဖြင့် လာကြသည်။
အရိပ်ကောင်းသော သစ်ပင်ကြီးများ
အောက်မှာ ကားများရပ်၍ စားသောက်ကြသည်။
ရေထဲဆင်း၍ ရေစိမ်ကြသည်။ အချို့က
စားသောက်ဖွယ်ရာများ ယူလာ၍ ဂက်စ်
မီးဖိုများဖြင့် ချက်ပြုတ်စားသောက်ကြသည်။
စားသောက်ပြီး စွန့်ပစ်ရန် အမှိုက်ပုံးများ
မတွေ့ရပေ။
ထိုနေရာမှာ ပန်းများစိုက်ထားသည်။
နှင်းဆီပန်းများက အစွမ်းကုန်ပွင့်ထားပြီး
ဖြစ်သည်။ တိရစ္ဆာန်အချို့ကိုလည်း လှောင်အိမ်
အတွင်းထား၍ ပြသထားသည်။ ထိုလှောင်အိမ်
အနီးဖြတ်သန်းသွားပါက အနံ့ဆိုးများရသည်။
ကြိုးတံတားနှစ်ခုတွေ့သည်။ ဝါးကြိုးတံတားနှင့်
သံကြိုတံးတားနှစ်ခုရှိသည်။
အပမ်းဖြေစရာ နေရာဟုဆိုသော်လည်း
အပမ်းမဖြေတတ်ခဲ့ပါ။ စီပွားရေးသမားများက
ငါးပွက်ရာ ငါးစာချကြသည်။ ထိုသို့သော
နေရာများက တခုပြီး တခုပေါ်လာသည်။
လူအများကလည်း သွားကြသည်။ ရိုးအီး
သွားသည့်အခါ နောက်တခု အသစ်အဆန်း
ထွင်ကြပြန်သည်။ ဒီလိုနဲ့ သံသရာလည်နေသည်။
@htwegyi
March 19, 2024