ချိန်းရင် ကောင်းမလား

Rising OS Rising UI က version 1.4 မှာတင် ရပ်နေခဲ့တာကြာပြီ။ Official support ပေးတဲ့ Device တွေ အတွက်ကတော့ 2.0 တွေ ဘာတွေ ထွက်သွားပြီ ဖြစ်၏။ ကိုယ်တွေလို official support မပေးသည့် device တွေ အတွက်တော့ အခြား ပြင်ပက Developer တွေ ရေးပေးနာကိုပဲ စောင့်မျှော်ရလေ့ ရှိ၏။ Developer ကလည်း ကိုယ်နဲ့ တူသည့် phone မျိုး ကိုင်နေသူ ဖြစ်မှပဲ custom ROM update လေးတွေ ရမည် ဖြစ်၏။

ဘာပဲ ပြောပြော mi cc9 ( mi 9 lite) လို phone အတွက် Android 13 ထိ သုံးခွင့် ရနေတာကပဲ ဟုတ်နေပါပြီလေ။ MIUI version 12.5 (Android 11) နဲ့တင် ရပ်သွားပြီ ဖြစ်သည့် phone လေး အဖို့ custom ROM တွေကြောင့် up to date ဖြစ်နေရသည်ဟု ပြောလို့ ရပေလိမ့်မယ်။ အမှန်တော့ Android 13 နဲ့တင် ရပ်သွားတာ မဟုတ်ပေ။ ခုဆို ကျနော့် phone အမျိုး အစား အတွက် Android 14 base custom ROM တွေ ထွက်လာ နေပြီ ဖြစ်၏။ လက်ရှိ ကျနော် သုံးနေသည့် Rising OS က လွဲလို့ပေါ့။

Rising OS ရေးသည့် Developer က Rising OS 2.0 ထပ် ရေးဖို့ ရှိ မရှိ မပြောတတ်ပေ။ ပသို့ဆို ဆရာသမားက Project Matrixx ဆိုသည့် Android 14 base custom ROM ကို ရေးနေသောကြောင့် ဖြစ်၏။ ကျနော့် အထင်တော့ သူ Rising OS (Rising UI 2.0) ထပ်ရေးဖို့ မရှိဟု ထင်မိ၏။ Matrixx ROM ကိုပဲ version 10.0 ပြီးနောက် version 10.2 တွေ ဘာတွေ ထပ်ရေးတာကို တွေ့သောကြောင့် ဖြစ်၏။

Matrixx ရဲ့ GitHub website မှာ သွားကြည့်တော့ base ယူထားတာက crDroid custom ROM ဖြစ်ပြီး Rising OS UI ကို feature အချို့ ထပ်ဖြည့်ပြီး upgrade လုပ်ထားသည် ဆို၏။ ပြောရရင် Matrixx နဲ့ Rising က ညီနောင် ROM တွေဟု ဆိုလို့ ရမည် ထင်၏။ Rising OS သည်လည်း crDroid ပေါ်မှာပဲ အ‌ခြေတည်ထားသည်ကိုး။

ဆင်တူသည့် OS, UI ဖြစ်နေသည်မို့ ကျနော့် အတွက်ကတော့ အဆင်ပြေပြီ။ လက်ရှိ Rising OS ကနေ ပြောင်းသင့် မပြောင်းသင့်သာ ရွေးရတော့မည်။ ခု Rising OS ကလည်း သုံးလို့ ကောင်းနေပါသေး၏။ တခုပဲ Android 13 နဲ့ 14 ပဲ ကွာတာပါလေ။ လက်ရှိ အသားကျနေပြီးသားကိုပဲ ဆက်သုံးရမလား၊ ဒါမှမဟုတ် အသစ်ပဲ ပြောင်း ပစ်ရမလား ဝေခွဲမရ ဖြစ်နေ၏။

Firmware (ROM) တင်ရတာက အလုပ်မရှုပ်၊ မကြာပေ။ တခုပဲ app တွေ ပြန်သွင်း၊ data တွေ ပြန်စုရတာပဲ အလုပ်ရှုပ်၏။ အဲ့တာတွေကို မလုပ်ချင်နေတာ။ အချိန်ကြာလို့။ ဘာပဲ ပြောပြော လိုရမယ်ရ ဆိုပြီး Matrixx ROM ကို download ဆွဲထားလိုက်၏။ 1.5 GB လောက်တော့ ရှိ၏။ စိတ်ကူး တနည်းအားဖြင့် စိတ်ရူးပေါက်ချိန် ထပြီး တင်လို့ရအောင်ပေါ့။