Hirap ay nakagisnan
Nitong mga batang lansangan
Kalsada ang s'yang tirahan
Kanlungan ay ang lansangan
Gutom madalas ang nararanasan
Kapos maging sa mga pangangailangan
Bulsa madalas ay salat at walang laman
Kaya hapdi ng sikmura ang nasasalunga
Di alintana ang gutom sa maghapon
Napagkakasya pagkaing lamig na itinapon
At sa basurahan maghapon ay naroroon
Upang kalamnan ay sa gutom maiahon
Panawagan ko sa mga may puso
Magdalang habag at awa sa'ting kapwa
Huwag pagdamutan ang nagugutom
Mga batang lansangan ating kaawaan
Atin silang bigyan at h'wag pagdamutan
Silay ating unawain at huwag pagkaitan
Upang maibsan gutom at hirap nilang nararanasan
Mga luha sa mata ng kamusmusan
Ay mapalitan ng pag-asa at kinabukasan