မိဘဆိုတာ သားသမီးတွေရဲ့ လက်ဦးဆရာဖြစ်သလို
အနာဂတ် ပန်းတိုင်အတွက် အလင်းပြပေးတဲ့
မီးရူးတန်ဆောင်ပါ။
မိဘတိုင်းက သားသမီးတွေကို ချစ်ကြတာချည်းပါပဲ
ဒါပေမယ့် ချစ်ပုံချစ်နည်းတော့ ကွာခြားပါတယ်
မိဘက သားသမီးကို တကယ်ချစ်ရင် အိပ်တဲ့အချိန်ရောက်မှ
ခိုးနမ်းပါဆိုတဲ့ စကားအရ ချစ်တာကိုသိသာအောင်
မပြမိဖို့ အရေးကြီးပါတယ်။
ကလေးတစ်ယောက် ငိုနေတိုင်းမုန့်ကျွေးရတာက
နည်းလမ်းမဟုတ်ပါဘူး။ ဖယောင်းနဲ့တူတဲ့ အဖြူ ထည်ကလေးတွေကို
မိဘတွေက ပညာသားပါပါ ကိုင်တွယ်တတ်ဖို့လိုပါတယ်။
တစ်ချို့သော မိဘတွေက သားသမီးဖြစ်ချင်တာတွေချည်းပဲ
လိုက်လျောကာ အတ္တတွေကို မွေးမြူ ပေးတတ်ကြတယ်
ပူဆာတိုင်းရနေတော့ အတိုင်းအတာကို ကလေးက
မဆုံးဖြတ်နိူင်ဘဲ လိုတာမရတဲ့အခါ စိတ်ဆိုးစိတ်ကောက်ခြင်း
အရွဲ့တိုက်ခြင်း ၊ လူအများရှေ့မှာ မိဘကို အရှက်ခွဲခြင်းစသော
အကုသိုလ် အထုပ်ကြီးကို မိဘတွေက သားသမီးတွေကို
လက်ဆောင်ပေးမှန်းမသိ ပေးလာမိတတ်ကြတယ်။
တစ်ချို့သောမိဘတွေကတော့ ငါက မိဘပဲ ငါ လုပ်တာမှန်တယ်
ငါပြောသလိုလုပ် ငါကျွေးတာစား ငါ ထားရာနေ စသော
တစ်ဖက်စောင်းနင်း ငါ အတ္တကို လက်ကိုင်ထားတတ်ကြတယ်
သားသမီးတွေ အရွယ်ရောက်လာတာ့ အသိပညာမြင့်မားလာသလောက်
အရင်ကဖိနှိပ်ချုပ်ခြယ်မှူတွေက တွန်းကန်အားဖြစ်လာပီး
နောက်ဆုံး မိဘကို ခြေရာတိုင်းလာတဲ့အဆင့်ထိ လူကြားလို့ မကောင်းအောင် ဖြစ်လာတတ်ပါတယ်။
တစ်ချို့သောမိဘတွေကတော့ သားသမီးတွေကို အရမ်းချစ်တော့
မခိုင်းရက် မရိုက်ရက်ပဲ ဖူးဖူးမှူတ်ထားတာကြာလာတော့
ဖွဲတစ်ဆုပ်တောင် မသယ်ခဲ့ဖူးသူက ဆန်တစ်အိတ်ကို
မသယ်နိူင်တဲ့ အောက်သက်မကျေ ဟိုမရောက်ဒီမရောက်
အနှစ်မရှိတဲ့ လူတွေဖြစ်လာတတ်တယ်။
အဲ့လိုနဲ့ အိမ်ထောင်ကျပီး ကိုယ့်ဘဝကို ကိုယ်ရုန်းကန်ရတဲ့အခါမှာ
မလုပ်တတ်မကိုင်တတ် အောက်သက်မကျေခဲ့တာတွေက
ယောက္ခမ /ထီး ၊ လင် ၊ မယား တွေရဲ့ တံတွေးကွက်မှာ
ကိုယ့်သားသမီးရဲ့ တန်ဖိုးနဲ့ဂုဏ်သိက္ခာတွေ ရက်ရက်စက်စက်
နင်းခြေခံရတော့တာပေါ့။
ခြေမွှေးမီးမလောင် လက်မွှေးမီးမလောင် လက်ဖဝါးမှာ
အသားမာမတက်ခဲ့ရတဲ့ ကိုယ့်သားသမီးက လောကဓံလှူိင်းတံပိုးကြားမှာ
ခေါင်းဖော်နိူင်ဖို့နေနေသာသာ အသက်ရှင်ဖို့တောင်
မနည်းရုန်းကန်နေရတော့တာပေါ့
ဒါကလည်း မိဘက သားသမီးတွေကို ချစ်တာမဟုတ်ဘဲ
"နစ်"ခဲ့မိသလိုဖြစ်ခဲ့တာတွေလို့ ပြောရမှာပါပဲ။
မိဘက သားသမီးအပေါ် မချစ်တတ်ခဲ့မူနှင့်ပတ်သက်၍
ကြားဖူးတဲ့ ပုံပြင်လေးတစ်ပုဒ်ပြောပြချင်ပါတယ်......
တစ်ခါတုန်းက.....
သားအမိနှစ်ယောက်ရှိတယ်
သားဖြစ်သူက ကျောင်းတက်ရင်း ခဲတံ ခဲဖျက်တွေကောက်ရတယ်ဆိုပီး
အမေဖြစ်သူကို ပြောပြတာပေါ့။
အမေဖြစ်သူက ကောက်ရတဲ့ပစ္စည်းပဲ ဆိုပီး သားဖြစ်သူကို
ပိုင်ရှင်ကို ရှာပီးမပေးခိုင်းဘဲ သဘောကျသလို လက်ခံသလို
နေခဲ့တာပေါ့။
ဒီလိုနဲ့ သားဖြစ်သူက မကြာမကြာ ကျောင်းကအပြန်ဆိုရင်
စာအုပ် ပေတံ ခဲတံတွေ ကောက်ရတယ်ဆိုပီး အိမ်ကိုယူလာပီး
အမေဖြစ်သူကို ကြွားတာပေါ့
အမေကလည်း တပြုံးပြုံးနဲ့ လက်ခံထားသလိုဖြစ်နေတာပေါ့
အတန်းတွေကြီးလာပြီး အရွယ်ရောက်လာတော့
အရင်အတိုင်းပဲ စာအုပ်ခဲတံတွေအပြင် ပိုက်ဆံတွေပါ
ကောက်ရတယ်ဆိုပီး အမေကို ပြတာပေါ့။
အဲ့ဒီအချိန်အထိလည်း အမေက သူ့သားက ကံကောင်းလိုက်တာဆိုပီး
ကျေနပ်အားရဂုဏ်ယူနေတာပေါ့။
ဒီလိုနဲ့ ကောင်လေးက သူခိုးကြီးဖြစ်လာခဲ့တယ်
မိခင်ဖြစ်သူက အရင်လိုကောက်ရတာပဲဆိုပီး သားကို
မဆုံးမတဲ့အပြင် သူခိုးလက်ခံ မြှောက်ပေးသလိုဖြစ်နေတော့တာပေါ့။
တစ်နေ့မှာ ရဲစခန်းက အကြောင်းကြားမှူကြောင့်
မိခင်ဖြစ်သူ အံ့သြတုန်လှုပ်စွာဖြင့် အချုပ်ကျနေတဲ့သားကို
သွားတွေ့တာပေါ့။
အချုပ်ထဲက သားက "အမေ" အမေ့ကိုသား
အရေးကြီးပြောစရာ ရှိတယ် အနားတိုးပါအုံးလို့ ပြောတော့
မိခင်ဖြစ်သူက အနားကို တိုးသွားတာပေါ့
မိခင်လည်း အနားရောက်လာရော မိခင်ရဲ့ နားရွက်တစ်ဖက်ကို
သားဖြစ်သူက ကိုက်ဖြတ်လိုက်တယ်
အဲ့ဒီမှာ ရုန်းရင်းဆန်ခတ်ဖြစ်ပီး အမေဖြစ်သူက ဝမ်းနည်းကြေကွဲနာကျင်စွာဖြင့် သူ့နားကိုဘာလို့ကိုက်ဖြတ်တာလဲမေးတော့.....
သားဖြစ်သူက ငိုကြွေးနောင်တရစွာဖြင့်
"မေမေ.....သားငယ်ငယ်တုန်းက ကောက်ရတာပါလို့
လိမ်ညာပီး အမေ့ကို ပစ္စည်းတွေ ပြတုန်းက
အမေ ဘာလို့ သားကို မမေးမြန်းဘဲ ကျေနပ်နေတဲ့
အမူအရာပြခဲ့တာလဲ.......?
ကျွန်တော့်ကို နားလည်အောင်မဆုံးမဘဲ
သူခိုးဖြစ်လာအောင်မြှောက်ပင့်ပေးခဲ့လု
ကိုက်ဖြတ်လိုက်တာလို့ ပြန်ပြောပါတယ်။
[ပုံပြင်လေးရဲ့ လိုအပ်ချက်ရှိရင် နားလည်ပေးပါလို့ တောင်းပန်ပါရစေ]
သာဓကလေးကိုကြည့်ခြင်းအားဖြင့် မိဘဆိုတာ သားသမီးတွေကို
ပညာသားပါပါမချစ်တတ် ၊ မဆုံးမတတ်ရင်
သားသမီးမကောင်းရင် ကိုယ့်ခေါင်းနှင့် နှလုံးသားကို
ဓါးဖြင့်မွှန်းသလို ခံစားရတတ်ပါတယ်
ငုံထားမတတ်ချစ်ရင် ရင်အနာခံပီး ဆုံးမတတ်မှ
နစ်ရာမရောက်ဘဲ ချစ်ရာရောက်ပါလိမ့်မယ်။