ရုံးခန်းတံခါးကို မခေါက်ဘဲ ဝင်လာသဖြင့် ညွှန်ချုပ်က မော့မကြည့်ဘဲ စိတ်တိုကာ
တံခါးဝမှာ စာမဖတ်ဘူးလား။ တံခါးခေါက်ပြီးမှဝင်ပါ ဆိုတာ လို့အော်လိုက်တယ်။
မော့ကြည့်လိုက်တော့ ရုံးအုပ် စာရေးကြီး ကိုမောင်ကြည်ဖြစ်နေတယ်။
ညွှန်ချုပ်က စိတ်တိုတိုနဲ့
“ကိုမောင်ကြည် ဘာကိစ္စလဲ” လို့မေးလိုက်တယ်။
ကိုမောင်ကြည်က “ကျွန်တော် အလုပ်ထွက်စာ လာတင်တာပါဆရာ” လို့ ပြောလိုက်တယ်။
“ကိုမောင်ကြည် ဘာဖြစ်လို့ အလုပ်ထွက်မှာလဲ”
“ကျွန်တော် စာမတတ်တဲ့သူတွေနဲ့ အတူ လက်တွဲပြီး အလုပ်မလုပ်နိုင်လို့ပါဆရာ”
“ဟာ … ခင်ဗျားစကားကြီးကလည်း ကျုပ်တို့ရုံးမှာ အောက်ခြေဝန်ထမ်း သန့်ရှင်းရေးတောင် ၁၀ တန်းမှခန့်တာ”
“ဟုတ်ကဲ့ပါဆရာ … ရုံးမှာ စကားတိုးတိုးပြောပါ ဆိုတဲ့ စာကပ်ထားပါတယ်။
အဲဒီစာအောက်က စားပွဲမှာ ထိုင် လုပ်နေတဲ့ စာရေးကြီး ဒေါ်လှလှက ဒီရုံးမှာ အသံကျယ်ကျယ်နဲ့ အော်ပြီး အဆဲဆုံးဖြစ်နေပါတယ်။ တစ်နေ့ တစ်နေ့ ဟောက်လိုက်တာ။ ဘေးနားကလူတွေတောင် မနေနိုင်အောင်ပဲ။
တရားဥပဒေနှင့်မလွတ်ကင်းသောအလုပ်များမလုပ်ရ ဆိုတဲ့ ဆိုင်းဘုတ်အောက်မှာ ဒရိုင်ဘာ ကိုတင်ဝင်းက ချဲရောင်းပါတယ်။
ဆေးလိပ်မသောက်ရ ဆိုတဲ့ ဆိုင်းဘုတ်အောက်က နေရာဟာ လက်ထောက်ညွှန်မှူး ဦးလှဦးအတွက်
စီးကရက်သောက် အပန်းဖြေတဲ့ နေရာဖြစ်ပါတယ်။
ကွမ်းတံတွေးမထွေးရ ဆိုတဲ့ ဆိုင်းဘုတ်အောက်မှာ ကွန်ပျူတာဌာနကလူတွေ
ကွမ်းတံတွေးထွေးတဲ့နေရာဖြစ်ပါတယ်။
လာဘ်ပေးလာဘ်ယူဒို့ရန်သူ ဆိုတဲ့ ဆိုင်းဘုတ်အောက်မှာ ရုံးကို လာတဲ့ လျှောက်လွှာတင်သူတိုင်း
တစ်ယောက်ကို ၅၀၀ ပေးမှ ရုံးစောင့် ကိုကျော်က တံခါးဖွင့်ပေးပါတယ်။
ဆရာ့တံခါးကို တံခါးမခေါက်ဘဲ ဝင်ဖို့ ဆရာ့အတွင်းရေးမှူးမက တစ်ယောက်ကို ၅၀၀၀ ယူပါတယ်။
ဆရာ ခုဆိုရင် အောက်မှာ ဆရာကားရပ်ခဲ့တဲ့ နေရာက ကားမရပ်ရ ဆိုတဲ့ ဆိုင်းဘုတ်တည့်တည့်မှာဖြစ်ပါတယ်။
တစ်ရုံးလုံး စာမတတ်တဲ့သူတွေ ဖြစ်နေတဲ့ အတွက် ကျွန်တော့်ကို ဒီရုံးကနေ အလုပ်ထွက်ခွင့်ပြုပါဆရာ”
ကိုမောင်ကြည် ရုံးကထွက်လိုက်တယ်။ နောက်ဆုံးနှုတ်ဆက်တဲ့ အနေနဲ့ ရုံးကိုလှည့်ကြည့်လိုက်တယ်။ “အမျိုးသားစာတတ်မြောက်ရေး ကူညီထောက်ပံ့မှုအဖွဲ့ရုံး” တဲ့။
ကိုမောင်ကြည်က ထွက်စာကို ညွှန်ချုပ် စားပွဲပေါ်တင်ခဲ့ပါတယ်။ ပြီးတော့ သူ့အိတ်လေးဆွဲကာ လွတ် လပ်ပေါ့ပါးစွာ ရုံးထဲက ထွက်ခဲ့တယ်။
မှတ်တိုင် လို့ ထူထားတဲ့ ဆိုင်းဘုတ်နဲ့ ခြေလှမ်း ၂၀ အကွာမှာ သွားရပ်လိုက်တယ်။
ဘတ်စ်ကားက အဲဒီတည့်တည့်မှာ လာရပ်တယ်။ ကိုမောင်ကြည် ကားပေါ်တက် လိုက်တယ်။
တံတွေးမထွေးရ ဆိုတဲ့ ညွှန်ကြားစာတည့်တည့်အောက်မှာ
တံတွေးကို ပြစ်ခနဲ အပြင်ကို ထွေးထုတ်လိုက်တယ်။
ဆေးလိပ်မသောက်ရ ဆိုတဲ့ ဆိုင်းဘုတ်ကို ကြည့်ပြီးတော့ စီးကရက်ကို ထုတ် မီးညှိ လိုက်တယ်။
အဲဒီအချိန်မှာ စပယ်ယာက #ကွမ်းမစားရ ဆိုတဲ့ ပြတင်းပေါက်ကနေ ကွမ်းတံတွေးထွေးလိုက်တယ်။
ကိုမောင်ကြည်ရဲ့ လက်မောင်းမှာ ရဲခနဲဖြစ်သွားတယ်။
ဒီတိုင်းပြည်က သူ့ဟာနဲ့သူတော့ ဟုတ်နေကြတာပဲ။
နှစ်ပါင်း ၆၀ ကျော်ကြာအောင်
စွဲကပ်လာတဲ့ နာတာရှည်ရောဂါ
နေ့ချင်း ညချင်း ပျောက်ကင်းပြီး နလန်ထဖို့ဆိုတာ--
စိတ်ကူးယဉ်လို့ပဲ ရမယ်။
ဟုတ်တယ်--
လွတ်လပ်ရေး ရပြီးကတည်းက
သန့်ရှင်းတဲ့အစိုးရ
ဘယ်တုန်းက ရှိလို့လဲ--
လွတ်လပ်ရေးရပြီးကတည်းက
အရည်အချင်းရှိတဲ့အစိုးရ
ဘယ်တုန်းကရှိလို့လဲ--
အတ္တကို ရှေ့တန်းတင်
ငါ့ဆွေ ၊ ငါ့မျိုး
ငါ့ကို ကိုးကွယ်တဲ့သူတွေကိုယ်ပဲ
စားပေါက်တွေ ဖန်တီးပေးကြ။
ပုလင်းတူ ဗူးဆို့အထာနဲ့
ဆွေစဉ်မျိုးဆက်တောင်
လက်တို့ပြီး နေရာပေးနေတော့
တိုင်းပြည် ဘယ်လိုလုပ်တိုးတတ်မှာလဲ။
လွမ်းမိတယ်ဗျာ--
ကျုပ်တို့ ဗိုလ်ချုပ်သာ အသေမစောခဲ့ရင်ပေါ့။
ဘယ်လိုလုပ်မှာလဲ
ဒီပုံ ဒီစခန်း
ဒီလိုသာ မြန်းနေရင်
နောက်ထပ် နှစ်ပေါင်းတစ်ရာ
(အသက်ရှင်ခွင့်ရရင်)
စောင့်ကြည့်ချင်သေးရဲ့။
ငါတို့တိုင်းပြည်မှာ
အရည်အချင်းရှိတဲ့ လူတွေ အများကြီးပါပဲ။
ဒါပေမယ့်
လူမှန် နေရာမှန် မဖြစ်သေးသမျှ
ဆင်းရဲမွဲတေမှုနဲ့
နပန်းလုံးနေရ ဦးမှာပဲ။