"ဝ”မရှိရင်တော့ "ဝိ”မလုပ်တာ
ကောင်းပါတယ် ဘာလို့လဲဆိုတော့
"ဝ”ဆိုတဲ့ အခြေခံမရှိဘဲ လုံးကြီးတင်မိရင်
"ဝိ”ဖြစ်မလာဘဲ "ဝပ်”သွားတတ်တယ်။
လူတစ်ယောက်နဲ့တစ်ယောက်
ပေါင်းသင်းဆက်ဆံရေးမှာ အထင်ကြီးခြင်း
အထင်သေးခြင်းဆိုတဲ့ ဂုဏ်ဒြပ်နှစ်ခုက
လူတွေရဲ့ စိတ်ကို များစွာအကျိုးသက်ရောက်
ရိုက်ခတ်စေခဲ့ပါတယ်။
လူအထင်ကြီးခံရဖို့ မတရားတွေရော တရားတာတွေရော လုပ်ကိုင်ရင်း တဖြည်းဖြည်းနဲ့ ဖြူ စင်နေတဲ့
စိတ်တွေ အရောင်ညစ်လာပြီး ကိုယ်ချင်းစာစိတ်တွေ
လျော့ပါးလာခဲ့ကြတယ်။
လူ့သဘာဝက ကိုယ့်ကို အထင်သေးမှာကို
အသေကြောက်တတ်ပြီး လူအထင်ကြီးခံရဖို့
မရှိတာကို ရှိသယောင် ၊ မတတ်တာကို တတ်သယောင်
မကောင်းတာကို ကောင်းချင်ယောင်ဆောင်ပြီး
ကိုယ့်စိတ်ကို ကိုယ်ကိုယ်တိုင်ပဲ အရောင်ဆိုးမှန်းမသိ
ဆိုးနေမိတတ်ပါတယ်။
ဟန်ဆောင်ခြင်းဆိုတာ တစ်ခါတစ်ခါကျတော့
အလိမ်တစ်ခုပေါ်မှာစိုးလို့ အကြိမ်အကြိမ်အခါခါလိမ်ရင်းနဲ့ပဲ အလိမ်တွေပေါ်လာတဲ့တစ်နေ့
ကားစီးနေရင်းက လမ်းလျှောက်နေရတဲ့ဘဝမှာ
လူအများရဲ့ ကဲ့ရဲ့ခြင်းကို ခံရတတ်ပါတယ်။
ရှိလို့ပဲ ကျယ်ကျယ် ၊ မရှိဘဲနဲ့ လူအထင်ကြီးခံရဖို့ပဲ
ကြွားကြွား ကြွားဝါခြင်းဆိုတာ ကိုယ့်ဘဝကို
ကိုယ်ကိုယ်တိုင် အဆိပ်ခပ်လိုက်ခြင်းပါပဲ။
လူဝင်ဆန့်အောင်ကြိုးစားရင်း ကြိုးစားမှုပုံစံက
မှားနေတော့ ဖြစ်ခြင်းပျက်ခြင်းဆိုတဲ့ လောကနိယာမကြောင့်
ရှိနေတုန်းတော့ မသိသာပေမယ့် မရှိတဲ့အခါမှာ
လူဝင်မဆန့်ဘဲ လူ့ဘောင်စည်းရိုးအပြင်ဘက်ကို
ကိုယ့်ကိုအထင်ကြီးခဲ့သူတွေပဲ ကန်ထုတ်ခြင်းကို
ခံရတတ်ပါတယ်။
လူဝင်ဆန့်ဖို့ဆိုရင် ပကာသန အရေခြုံမယ့်အစား
အရည်အသွေးမြင့်အောင်ကြိုးစားပါ
မရှိတာကို ရှိသလိုထုတ်ပြနေမယ့်အစား
ရှိတာလေးနဲ့ ရိုးသားစွာ နေထိုင်ပါ
အောင်မြင်ကျော်ကြားမှုကို ဖက်တွယ်မယ့်အစား
လေးနက်ပြီး တန်ဖိုးကြီးတဲ့ ဘဝကို ဖန်တီးပါ။
လူ့ဘဝဆိုတာ လူအများက ကိုယ့်ကို
အထင်ကြီးခြင်း မကြီးခြင်းထက်
အထင်သေးမခံရအောင် ကိုယ်ကျင့်တရားကိုပဲ
ခိုင်မာအောင် ဆောက်တည်ထားရင်
အမှားများစွာ အရေခြုံထားတဲ့သူတွေထက်
ကိုယ့်ရဲ့ ဂုဏ်သတင်းက ကြော်ငြာစရာမလိုဘဲ
ထင်ပေါ်ပြီးသားပါလို့
အကြုံပြုတင်ပြလိုက်ရပါတယ်။