用左 Steemit 6星期, 係時候寫寫感想。今次我唔打算用一般書面語去寫，因為實在寫得太痛苦了。
首先解釋一下點解唔再用書面語寫，而要用香港口語寫。我響呢度寫野其實係要搵一個可以取代 Facebook 嘅地方去寫作一下。而家 Facebook 好多限制，好少人有心機睇長篇嘅記事，所寫嘅題材又唔想太大眾化，一般都懶得寫。先前不段希望爭取更加大嘅讀者數目，寫左一啲香港人睇唔明白嘅中文，國語人又覺得怪怪嘅Post，可以話係失敗中嘅失敗。
首先解釋一下點解唔再用書面語寫，而要用香港口語寫。我響呢度寫野其實係要搵一個可以取代 Facebook 嘅地方去寫作一下。而家 Facebook 好多限制，好少人有心機睇長篇嘅記事，所寫嘅題材又唔想太大眾化，一般都懶得寫。先前不段希望爭取更加大嘅讀者數目，寫左一啲香港人睇唔明白嘅中文，國語人又覺得怪怪嘅Post，可以話係失敗中嘅失敗。
6 星期嘅成績表
睇一睇我個 wallet 就知慘, 先得嘅幾十蚊。通常自拍作自我介紹，第一篇已經可以有好幾十蚊了，但因為我想可以放開咁去寫多啲野，我唔太想自拍一張相黎做自我介紹，唔太表露我嘅身份，所以就更加難有一個快速成功嘅開始。另外我寫黎寫去都係寫英文，冇計啦，鬼叫我寫英文好似好過寫中文咩。寫香港話就唔同喇，隨便寫幾千字都得。
中文區
我隨便咁研究左中文區，發覺如果肯加入中文區嘅外置群組例如WeChat 嘅都好有用，好多時都有好多Vote。我自己就冇WeChat 冇 QQ, 咁就唔駛加入啦。如果你地新加入又有呢啲app 嘅，咁加入左佢地之後進度應該會好好多。
用Steemit 嘅感覺好似以前
好喇，咁到底我呢幾星期試左啲乜野呢？簡單啲黎講就係做番Internet 未普及之前嘅野: 入chatroom，打英文網誌。收入低，但仍然好有趣，有番以前同其他唔識嘅人傾計、知道世界其他事嘅感覺。響chat (https://steemit.chat) 度嘅人都好好人，會解釋好多唔同嘅野比我知道。而佢地亦都會搞唔同嘅比賽去炒熱個氣氛。其中我就join 過 @erodedthoughts 嘅比賽並攞到獎品喇。
心得
至於心得，暫時都係下面呢幾樣：
- 唔好諗住真係搵到好多錢，你當呢度係取代 Facebook 嘅地方，慢慢就會發現到樂趣
- 諗清楚有乜可以寫有乜唔可以寫先開Post，因為出左就有紀錄，改左都會有人睇到
- 寫野好多時都係隨意啲好，寫幾個鐘嘅文可能冇人睇，睇左冇feedback，但有創意嘅事就總會有好收鑊
如果你睇到呢度，好多謝你花時間睇我發下嘮穌，好明顯你係香港人啦，希望你留個言，等我知道你係睇得明，等我以後分配多啲時間去寫多啲香港語嘅 Post。至於書面語.....哈哈，我諗台灣人會接受到我嘅書面語，我第日可能寫香港／台灣雙中文版。中國方面我寫左佢地都冇咁好心機睇啦，都唔係咁啱佢地口味嘅。=_-/