Bu mağazanın heç bir işçisi və ya kassası yoxdur. Mağazaya daxil olmaq olmaq üçün alıcı öz smartfonundakı Amazon proqramını işə salaraq girişdə olan teminaldakı QR kodunu skan etməlidir. Mağazanın sahəsi 167 kvadrat metr təşkil edir və mağazada satılanlar arasında qida, içki, hazır yemək,Whole Foods supermarketlər şəbəkəsindən olan məhsullar da var.
Amazon Go-da məhsulları yerləşdirmək üçün nə səbət nə də arabacıqlar yoxdur. Alıcı götürdüyü məhsulu öz çantasına dərhal qoya bilər. Sistem avtomatik olaraq seçilmiş məhsulu virtual hesaba daxil edir və əgər alıcı fikrini dəyişib məhsulu yerinə qaytarsa sistem həmin məhsulu virtual hesabdan siləcək. Mağazadan çıxanda isə sistem avtomatik şəkildə bütün əldə olunmuş məhsulları təyin edəcək,onların ödənişini alıcının Amazon hesabındakı vəsait vasitəsilə reallaşdıracaq.
Mağazanın alkoqol satılan hissəsində isə alıcının hansısa məhsulu götürməmişdən əvvəl onun sənədlərini yoxlayan əməkdaş var. İlk dəfə Amazon Go mağazası Sietl şəhərində 2016-cı ilin Dekabr ayında təqdim edilmişdir. Bütün bu illər ərzində mağaza test rejimində işləyirdi və yalnız şirkət işçiləri üçün aktiv idi. Şirkət bu layihə üzərində 4 il çalışıb və nəticəsidə uğurlu alınıb.
