(Koleksi pribadi/Facebook)
Saleum saleum rakan lam nanggroe
Kiban dum bit noe haba beurita
Lon neuk meuhaba steemit samlakoe
Medsos yang jinoe happening teuma
Karap lhee buleun lon maen steemit
Platform bit keubit mantap lagoina
Cuba meukarya adak pih sulit
Kadang meusekit ide lon hana
Macam piasan dalam platform nyoe
Kon saboh bagoe peluang teuka
Dalam meukarya tanyoe dihiroe
Upvote meureumboe SBD teuka
Aturan main pih cukop keren
Hanjeut meuren-ren meubui bloh karya
Plagiat kerja cheetah phon yang bren
Tamse lam taren hana meudaya
Bideung meukarya kon saboh macam
Kreatif ragam aneka rupa
Mula teumuleh lagee wartawan
Leungkap hiasan ka deungon gamba
Yang galak foto upload silahkan
Video tuan posting beusigra
Yang peuteng aseuli kon keuh editan
Sumber cantumkan nyoe gob po atra
Yang neuk meulagu gabong open mic
Neukheun beu asyik rame yang suka
Irama nada dangdut ngon remix
Kadang na yang klik label ternama
Dsound ngon Dlive pih na lam steemit
Olah beulikiet suara dan video anda
Beuleumak karya lagee adee kak bit
Beujeut tren dan hit ramee yang pinta
Boh ka lee oh noe haba lon narit
Watee ka sempit keuneuk keurija
Meunyo na kata yang kureung elit
Meu'ah lon lalit umu katuha
Deungon Cinta
Reza Sofyan