Salam alaikom warahmatullah
Jaroe dua blah ateuh jeumala
Neusambot saleum rakan meutuwah
Jalen ukhuwah geutanyoe dumna
Lon peuturi droe dile beu jeulah
Yang ulon peugah koen haba rika
Nama lon Rahmat hana meu ubah
Dari mak ngoen yah masa balita
Di lhokseumawe jinoe lon tinggai
Gampong meu asai di samalanga
Toko ngoen waroeng sinoe cukop jai
Rame di pasai ureung beulanja
Lon lake meuah dile yoeh awai
Takot na ganjai lam tutoe kata
Maklum lon tuan yang mantoeng bangai
Ilmee gohlom jai di dalam dada
Meumada dile oeh noe lon karang
Lon samboeng rakan bak laen masa
Neu like beu rame hai rakan - rakan
Mangat lom rijang lon b ceurita..