Saleum Rakan Steemit Meutuwah
banner acara
Alhamdulillah, meuteumeung chit teumuleh lam Basa Aceh lom malam nyou. Dang ta preih iklan sigalom babak 2 Inggreih lawan Belgia bak Tiphe. Nyou han panyang kali nyou, bacut sagai. Uloen Tuwan Baro loen jak u Salihara Art Community di Pasar Minggu. Uloen Tuwan jak meurumpok Azhari Aiyub nyang buleun 5 baroe na keuh ka Geu tuleh saboh buku nyang geu bri judul "Baneng Meujanggot" ka teuntee buku nyan lam Basa Toko, kon Basa Aceh. Syep teubai buku nyan, na 960 oun, ji peugah lee ureung nyang me acara, nyan buku novel paleng teubai di Indonesia at nyou.
Rame chit ureung seureuta acara nyang geu seubot Musyawarah Buku nyan. Punoh ruangan, suwah beuót kurusi dari luwa dan ladom syit suwah dong lagee ureung ek robur away. Miseu droun hantom neu jak U Banda peu lom neu jak kuliah u Darussalam, chit han neu tuóh sagai kiban Robur nyan. nyang karap hi robur bacut, ta peugah aju BE atawa Bus Sekolah lah. Lam 100 minet geu surah bhah buku si Azhari, komentar ureung jak nyang ka geu baca, macam dum. Uloen Tuwan, adak pih ka away loen peusan, suwah preih giliran syit.
Miseu tanyou ureung Aceh nyang na ta ikot kiban perkembangan di Gampong teuh, mudah that ta meuphom keu asoe buku novel nyang geu peugah lee ureung tuleh, Fiksi mandum. Uloen Tuwan galom abeih loen baca, teuma na bacut-bacut loen baca watee ji promosi bak pehbuk. Jadi, watee ureung laen teumanyong nyou jeh, proteh nyou jeh, Uloen Tuwan peugah mantong, miseu droun kon ureung Aceh dan hana neu turi Azhari, chit jai that jeut ta kheun, tapi keu loen, nyang geu tuleh nyan keuh kritik keu Aceh secara luwah, saweub mandum nyang geu tuleh adak pih fiksi, na mandum keujadian lagee nyan ta deungo sigou sapat.
Azhari, Bang Raja, Uloen Tuwan
Alhamdulillah, lheuh acara meurumpok ngon baro! Awak Peunayong, tapi jinou Geu kerja sebagoe Konsultan, Kanto pusat geuh di Jerman, tugaih siat nyou di Thailand. Lah buno na loen meusu wate musyawarah, maka Geu jak peuto meutuka haba ngon loen. Nan Gobnyan Bang Raja, han trep kamoe meutuka haba, troih ngon laen, Raja syit tapi nyou Raja Muda... teungoh jak sikula S2 di Universitas Pertahanan. Bak dong-dong peugah haba nyan, meutamah ilmee baro teuh. Rupa jih awak nyan duwa geuh kop paduli ngon Basa Aceh. maseng-maseng na mat saboih buku panduan dan kamuh Bahsa Aceh nyang hantom loen kaloen.
nyou buku baneng meujanggot
Galom abeih loen baca, saweub atra geu kirem lee Bang Raja, mantong lam ejaan jameun, miseu loen ngui lam postingan nyou, syit han neu mumang neuh laju.... hahahahaha, bek án ureung baca, meu awak tuleh pih muteng paneng geuh. Payah syit awak tanyou nyang galak peutheun droe ngen dialekatawa gaya maseng-maseng, suwah pulang bak kamuh. kamuh nyan galom jikirem lee dek Raja Muda. Entreuk, laen watee loen bagi keulayi keu Gata bandum.
Haba Konteh Pehtem
Sampo'an urou nyou, baro 8 akun nyang teujeut seureuta. mantong na watee duwa urou teuk sampo tanggai 30. lheuh nyan loen umumkan pemenang nyang layak, baro Uloen Tuwan peugot Konteh Jak Ta #pehtem lom. Nit that nyang seureuta yaa? nyan keuh meunan... Alhamdulillah ka na nyang seureuta miseu loen peugah. saweub han mudah tanyou ta teujeut teumuleh lam Basa Indatu teuh di Steemit. Hom pakon?
Loen Piyoh oh no dilee.... ka geu pakat jak peureubah drou lee Maslakoe.