တစ်ခေတ်တခါက နွားလှည်းသည် လယ်ယာလုပ်ငန်း၊ ကူးသန်း ရောင်း ဝယ်ရေးလုပ်ငန်း၊ အလှူမင်္ဂလာကိစ္စများတွင် နွားလှည်းသည် အရေး အပါဆုံး သယ်ယူပို့ဆောင်ရေးယာဉ် တစ်မျိုးဖြစ်ခဲ့သည်။ တဖုဿ နှင့် ဘလ္လိက ကုန်သည်ညီနောင်တို့ သည် နွားလှည်းဖြင့် အိန္ဒိယသို့ကုန်ကူးသွား ခဲ့သည်ဟူသော သမိုင်းအရ နွားလှည်းကို လွန်ခဲ့သော နှစ်ပေါင်း (၂၅၀၀) ကျော်ခန့်က မြန်မာနိုင်ငံတွင်စတင် အသုံးပြုနေပြီဟု မှတ်ယူရပါမည်။
လှည်းအမျိုးအစားများ ( ၈ ) မျိုးရှိသည်။ ၄င်းတို့မှာ -
၁။ လှည်းယဉ်
ခြောက်စထောင်၊ပွတ်လုံးရံတိုင်ကဲ့သို့လှည်းအိမ်ကို အလှအပ ပြင်ဆင် မွမ်းမံထားသည့်အလှစီးလှည်းမျိုးဖြစ်သည်။ ခြောက်စထောင်လှည်း ဆိုသည် မှာလှည်းဆောင်ပန်းပုခက်သည် လေးစထောင်နေကာ စွယ်ရန်းဘယ်ညာနှစ်စတို့ပေါင်းလိုက်သော် ခြောက်စဖြစ်သဖြင့် ခြောက်စထောင်ဟုခေါ်သည်။ လှည်းယာဉ်တွင် အသုံးပြုသော ကပ်အိမ်မတူသဖြင့် အမျိုးစား ( ၃ ) မျိုးထပ် ခွဲသည်။ ၄င်းတို့မှာ -
(က) ဆင်စွယ်ညွတ်
(ခ ) ဇင်ယော်တောင်
(ဂ ) မွန်းတည့်ကောက် စသည်တို့ဖြစ်သည်။
၂။ ခြံအိမ်လှည်း
လှည်းကြမ်းဖြစ်ပြီးစပါး၊ နှမ်း၊ ပြောင်း၊ ထင်းစသည့် ကုန်တင်လှည်း ဖြစ်သည်။
၃။ ပေါင်းမိုးလှည်း
ပေါင်းမိုးလှည်းသည် တစ်ရွာတစ်ကျေးသို့ပွဲသွားရာတွင်လည်းကောင်း ကုန်ရောင်းကုန်ဝယ်သွားရာတွင်လည်းကောင်း နေမိုးကာကွယ်ရန် အမိုးတပ်ထားသည့်လှည်းဖြစ်သည်။ အထူးသဖြင့် မိုးရာသီတွင် ပိုမို တွေ့ရသည်။
၎။ လှည်းမြီးတို
လှည်းအိမ်မပါဘဲ ၎င်းအစား တိုင်ငုတ်များ စိုက်ထူထား၍ သစ်တုံး၊ ကျောက်တုံး၊ဝါးစည်းများတင်ဆောင်ရာတွင် သုံးသည့်လှည်း ဖြစ်သည်။
၅။ ရေစည်လှည်း
လှည်းအိမ်နေရာ၌ ရေစည်လုံးကြီးတင်နိုင်ရန်သစ်သားဘောင် ခတ်လျက် ရေသယ်ရာတွင်သုံးသောလှည်းဖြစ်သည်။
၆။ ဘုံလျှိုလှည်း
လှည်းအိမ်ကို အမြင့်ပြုလုပ်ထားပြီး အတွင်းဖက်၌ အံဖုံးထားရှိသော လှည်းဖြစ်သည်။ အံဖုံးအတွင်း ခရီးဆောင်ပစ္စည်းများ ၊ ငှက်ပျောသီး၊ အုန်းသီးပစ္စည်းများထည့်ယူရန်ဖြစ်သည်။ သူကြွယ်များ၊ ဘုန်းကြီးများ အသုံးပြုသော လှည်းမျိုးဖြစ်သည်။
၇။ မယားကန်လှည်း
လှည်းအိမ်ကို ရှေ့နှိမ့်နောက်မြင့်စီစဉ်ထားကာ လင်နှင့်မယား ခရီးသွားသော် နောက်ကလိုက်သူမယားက ရှေ့ကလှည်းမောင်းသူ လင်ကို ခြေဖြင့်ကန်ထားသလိုဖြစ်အောင် ဖန်တီးထားသောကြောင့် မယားကန်လှည်းဟုခေါ်သည်။
၈။ ဘီရိုလှည်း
ဘီရိုလှည်းသည် ပါတော်မူနေ့က သီပေါမင်း နှင့်စုဖုရားလတ်တို့ကို ခေါ်ဆောင်သွားခဲ့ဖူးသည်။
လှည်းဘီး၊ နွားအခြေနေနှင့် လှည်းကပ်အိမ်အမျိုးအစားများ
၁။ ဘီးစပ်လှည်း( စပ်ဘီးလှည်း )
(၄) လက်မပျဉ်ပြားချပ်ကို အတွင်းသားအဖြစ် အသုံးပြုကာ ပျဉ်ပြား၏ ဗဟိုတွင် ဘတောင်းပေါက်ဖောက်ထွင်းရသည်။ ဗဟိုပျဉ်ပြားချပ် နှင့်(၂) လက်မခွဲရှိ ပျဉ်ချပ်နှစ်ချပ်ကို အဝိုင်းပြုလုပ်ကာ ဗဟိုပျဉ်ပြား ချပ်အား တဖက်တစ်ချက်မှ နှုတ်ခမ်းတေ့ပေးသဖြင့် ဘီးအဝိုင်းကို ရရှိစေသည်။ ယင်းကို ဘီးစပ်ဟုခေါ်သည်။
၂။ ဒိုင်းလှည်း/ရွတ်လှည်း/ဂုတ်လှည်း
ဆိုသည်မှာ ဒိုင်းကန်ခြင်း၊ ဂုတ်စီးခြင်း၊ ရွတ်တိုက်ခြင်းကို အမှီပြုခေါ် သည်။
- ဒိုင်းကန်ခြင်းဆိုသည်မှာ နွား (၂) ကောင်မှ တစ်ကောင်က တစ်စုံတစ်ခု ဖြစ်ခဲ့လျှင် လှည်းသမားက ဒိုင်းကန်ရသည်။ ဝန်ရိုးအောက်ဝါးလုံးလျှို၍ လှည်းသန်ပေါ်တွင်ကျော်ကာ လစ်လပ်နေသောနွားနေရာတွင် ထမ်းပိုးနှင့် ချုပ်နှောင်တုတ် ရသည်။
- ဂုတ်နွားမှာ နွားတစ်ကောင်တည်းကို သာအသုံးပြုမောင်းနှင်နိုင်ရန် ပြုလုပ်ခြင်းဖြစ်သည်။
- ရွတ်လှည်းဆိုသည်မှာ နွားနင်းဖက်မှဝင်ရိုးတွင် ကြိုးကို ချည်နှောင်ကာ နွားပြေးဖက်ရှိ ထမ်းပိုးတွင် ထိုရွတ်တိုက်ထားသော ကြိုးစကို တစ်ဖန်ချည်နှောင်မောင်းနှင်ရသည်။ရွတ်တိုက်ပုံမှာ နွားလှည်းပြိုင်ပွဲ များတွင် အထူးပြုလုပ်ထားသော လှည်းဖြစ်သည်။
လှည်းပြိုင်ပွဲများနှင့်ပတ်သက်၍ အနည်းငယ်ပြောလိုသည်မှာ ပြိုင်ပွဲအတွက်လှည်းသည် အပေါ့ပါးဆုံးလှည်းမျိုးဖြစ်သည်။ ပြိုင်လှည်း နွားပြေး နွားလိုက်နှင့် ဒုန်းလှည်းဟူ၍ရှိရာ ဒုန်းလှည်းပြိုင် ပွဲသည် အထူးစိတ်ဝင်စားဖွယ်ကောင်းသည်။ အချို့နွားလှည်းတို့သည် တစ်နာရီ ကီလိုမီတာ (၅၀) ခန့်အထိ ပြေးနိုင်သည်။ "လှည်းစက္ကူ ၊ လူသိကြား" ဆိုသည့် ဆောင်ပုဒ်ကို လှည်းသမားတို့ လက်ကိုင် ထားသည်။ လှည်း သည် စက္ကူကဲ့သို့ ပေါ့ပါးနေပါစေ၊ လှည်းသမား လည်း သိကြားမင်းကဲ့ သို့ ကျွမ်းကျင် နေပါစေ ဂရုစိုက်စရာမလို ဟူသော ပြိုင်ပွဲဝင်စိတ်ဓါတ် ကိုနှိုးကြား ပေးသည့် ဆောင်ပုဒ်ဖြစ်သည်။
နွားလှည်းပြုလုပ်ရာတွင် စည်းစနစ်ရှိသည်။ လှည်းတံ၊ ထမ်းပိုးတုံး၊ ဝင်ရိုးတို့၏ အတိုင်းအရှည်ပမာဏကို လှည်းဆရာများက ဂရုစိုက် ကြရသည်။ စနစ်ကျမှလှည်းကောင်းတစ်စီးဖြစ်လာမည့်အပြင် ကြည့်ကောင်းခြင်း၊ ကြာရှည်ခံခြင်း၊ တိရိစ္ဆာန်များ သက်တောင့် သက်သာရှိစေခြင်း၊ အချိုးပြေခြင်းတို့ဖြင့် ဝန်တင်ခံနိူင်သော လှည်းကောင်းတစ်စီး ဖြစ်နိူင်မည်။ လှည်းတွင် လှည်းဘီးသည် အရေးကြီးသဖြင့် လှည်းဘီးအစိတ်အပိုင်းတွင် ပါဝင်သော လှည်းပုံတောင်း၊ နန်းရင်းခွေ၊ နန်းဖျားခွေ၊ ဘီးဖိနှပ်၊ စသည့် ပန်းပဲပိုင်းအပြင် တကူ၊ ဘီးဒေါက်တို့အတွက် လှည်းထောက်ဖို များတွင် လိုအပ်လျှင် လိုအပ်သလို သွားရောက်ပြုပြင်ရသည်။
ယနေ့ခေတ်အခါတွင် လှည်းအရေတွက်သည် တဖြည်းဖြည်း ရော့နည်း လာသော်လည်း ကျေးလက်တောရွာများတွင်ကား အရေးပါနေဆဲပင် ဖြစ်သည်။ လှည်းယာဉ်ပေါ်တွင် ပုသိမ်ထီး ဆောင်း ကာ ခရီးသွားကြသော မြန်မာအမျိုးသမီးတို့အလှသည် အတော်ပင် ကျက်သရေရှိလှသည်။ ကိုလိုနီခေတ်အပြီးတွင် ဤကဲ့သို့သော အလှတရားများသည် တစ်စတစ်စ ပျောက်ကွယ် သွားခဲ့ လေပြီ။ ယနေ့ခေတ်လှည်းယာဉ်သည် ပြတိုက်တွင် သာရှိပါတော့သည်။